[有沙入眼]是咁的，我嘅職業係幫想自殺嘅人寫遺書: 435.一齊下廚
「阿金？」miki沖完涼好醒目咁黎左廚房搵我，佢用毛巾抹住頭，企喺門口望我，門外飄入士多啤梨嘅香味
「沖完喇？幫手整野。」
「我仲煩緊煮咩你食，你已經快我一步整緊。」
「梗係啦，比你煮你會燒死自己。」
「咩喎！我喺屋企煮野食好叻架囉。」
「係係係，幫手打蛋啦。」我隊碗蛋比佢
「識食喎，溝牛奶落去。」估唔到miki連打蛋嘅時候會溝啲牛奶嘅習慣都同我一樣
筷子喺碗上咔噠咔噠咁打圈，miki時不時就抬頭，笑住望一望下
「打蛋都笑，你話你係咪傻丫？」
「嘿嘿，好似兩夫婦一齊下廚咁。」聽完，我都不自覺咁勾起左笑意，又真係幾似