[有沙入眼]是咁的，我嘅職業係幫想自殺嘅人寫遺書: 436.好幸福
我同miki分工，佢負責食材嘅前期處理，我就負責煮
炒好哂啲香腸片、脆香雞絲同滑蛋
另外用水煮麵，煮到五成熟就夾起，倒走啲水，再用牛奶煮
放兩塊芝士喺上面等佢半融，熄火，落辣醬
最後倒哂啲香腸雞絲滑蛋落去，審埋紫菜碎，大功告成
我地成個平底鑊拎出飯枱，兩條友起勢用筷子將個麵同啲牛奶辣汁撈匀
「嘩～好似好好味咁喎。」
「開餐！」
一路食，我地一路用紙巾抹汗
雖然隻辣味頂得順，好過癮亦好爽，不過仍然會食到成頭都係細細粒嘅汗珠
miki同我個嘴都比辣汁染成棗紅，其實而家仲似麥當勞叔叔
食完之後，miki好滿足咁摸吓個肚，然後托住頭，向我甜笑
「嘿嘿，好幸福⋯⋯」
個傻妹竟然將句咁肉麻嘅對白講出口，真係服左佢
「我都覺。」而我嘅回應，連自己都估唔到，仲以為我實會講：「咪咁骨痺啦。」
或者，人所感覺倒嘅幸福去到某個地步，就會自然咁承認自己嘅幸福
「多謝你呀，今日係我廿六年黎最開心嘅生日。」
miki講完，靠近我身邊，錫我
今次嘅嘴唇，係辣汁味
就黎儲齊甜酸苦辣，唔知有乜獎品呢？
雖然隻辣味頂得順，好過癮亦好爽，不過仍然會食到成頭都係細細粒嘅汗珠
miki同我個嘴都比辣汁染成棗紅，其實而家仲似麥當勞叔叔
食完之後，miki好滿足咁摸吓個肚，然後托住頭，向我甜笑
「嘿嘿，好幸福⋯⋯」
個傻妹竟然將句咁肉麻嘅對白講出口，真係服左佢
「我都覺。」而我嘅回應，連自己都估唔到，仲以為我實會講：「咪咁骨痺啦。」
或者，人所感覺倒嘅幸福去到某個地步，就會自然咁承認自己嘅幸福
「多謝你呀，今日係我廿六年黎最開心嘅生日。」
miki講完，靠近我身邊，錫我
今次嘅嘴唇，係辣汁味
就黎儲齊甜酸苦辣，唔知有乜獎品呢？