[唔爛尾] 「搞笑] 「改編真人真事] 「愛情] 那個不能過海的男人: 第二章

「咁你又點解係度嘅？」阿 Pat反問雞粉。 
 
「我... 我都係嚟陪friend。」 
 
現場氣氛尷尬，眾人輪流出外到百子櫃拿自助餐，  填好肚後，大家自我簡單的介紹自己，得悉在座有對恩愛的夫婦最近結了婚，亦有個金融才俊最近買了樓。 雞粉開始發功。首先是剛結婚的 Ada。 
「你信教㗎？我又係喎，咁你結婚前係咪處嚟㗎？」 
 
Ada 滿臉通紅，答不出口。 然後雞粉一邊呷著女貞子當歸 cocktail，一邊問在旁 Ada 的丈夫：  「咁你層樓供完未？係 97年高峰期買，定係 03年沙士買？兩個有分別咕喎。」 
Ada 丈夫尷尬的答不出口，阿 Pat怒目注視著雞粉。 
 




雞粉笑著問大家：「係咪幫你地問埋你地想問嘅問題呢？」然後又問剛買了樓的金融才俊阿Ben。 
 
「咁層樓係自己定屋企人俾首期？」 
 
「errr… 屋企人都有幫下手嘅，梗係供緊啦。」 Ben 口吃的回答。 「雞粉，我同你出去攞野食呀 ! 」阿 Pat見勢色不對，拖著雞粉離枱。 雞粉在沙律吧一邊夾牛鞭 Tapas 和藥材沙律，一邊問阿 Pat，「個 JJ 以前係咪食過你隻豬？」 
「係又點，唔係又點？我同佢分開咗架啦，我呢家咪成個人企係你面前囉。」阿 Pat終於忍不住發火。 
 
「使乜咁大火氣呀，身有屎咩？算啦算啦，啲女貞子 cocktail 搞到我 㷫恰恰，嗱嗱林番屋企執番劑 ..... 廿四味飲下啦。」 「放開我呀！」阿 Pat甩開雞粉的手。 
「喂！我有下場，走先啦！」紅 Wen拿著手袋在二人中間插嘴說。 「你去邊度呀？我車埋你呀？」雞粉見紅 Wen人像李嘉欣般漂亮，順口問道。 
「我去上水呀。」 雞粉臉色發青，「呢層 ....」 「講




笑
咋
知你過唔到海，我去薄扶林個邊之嘛。」紅 Wen瞇著雙眼奸笑道。 「哈！嚇死。無問題，港島我仲去到！」雞粉頓時舒了一口氣。 
三人走出醫務所到停車場拿了架 Volvo，然後便駛上東區走廊，穿過添馬艦政府總部，再向著西營盤方向走。 一路上，雞粉沒有停口，不停問紅 Wen的情史，玩得的紅 Wen亦樂於奉陪，再深入一點的安全期、體位等問題都搬出與雞粉 討論。阿 Pat耳不聽為乾淨，戴上耳筒聽音樂算。 
駛過只有廖廖幾盞街燈的域多利道時，雞粉開始停口，  車速減慢，阿 Pat與紅 Wen開始覺得勢色不對。 然後嚓的一聲，雞粉在中華廚藝學院的牌坊煞車，說：  「 Sorry 呀，我連薄扶林都去唔到。我最多可以車到你嚟呢度咋。」 
紅Wen 擘大了口： 「唔係下化？呢度山卡啦，的士都無架，你叫我落街行過去呀？」 「小姐，好近姐，你咪當食完飯消化下囉。」雞粉開始冒出黃豆大的汗珠。 
「唉，算啦，我落車啦。知你無鬼用！」紅 Wen擾攘後便落車。 
 
車內默哀了一分鐘，雞粉 認真問：  「我係咪好無用呀？」 
 




「其實... 你除咗樣衰、口臭、猥瑣、賤格、錢少啲之外，你都唔係咁差姐。」 
 
「頂你.... 咁你去 JJ 生日會係咪想搵過第二件呀？」 
 
「梗係唔係啦，我似係啲咁嘅人咩？」阿 Pat心虛回答。 
 
「我唔信！」 
 
「咁你不如用三個月時間嚟證明俾我睇你係個有用嘅人呀？」 
 
「好呀！三個月後如果我過到去上水，你要嫁俾我。」 
 
「怕你呀！我貼大床嫁俾你都得呀！」 
 
「好呀，一於咁話，如果唔係，我就一世唔硬，你就一世嫁唔出」 




 
「驚你呀！」 
 
「未來三個月我旨意你幫我㗎啦，我「下半身」嘅幸福就靠晒你」 突然雞粉流鼻血，阿 Pat 情急下拿了些衛生棉止著雞粉的鼻血。 「都叫你唔好食咁多牛鞭 tapas 㗎啦！」阿 Pat 邊抹邊大叫。 「鬼咩，求先個場啲女個個低胸，加埋成萬寸都有。」 「你前世未見過女人呀？」 「啲女個度圓規畫都無咁圓，鉛筆刨刨都無咁尖，大開眼界！」 「變態！」 那晚，阿Pat為今晚衝動許下的承諾有點後悔，為了一個在街邊認識的男友賭上下半生的幸福，值得嗎？