瞬間轉移左?
呢到係……?

城市?

殺死魔王。
我個腦好似有道指令係到。

我依家係戰場中心。



兵敗如山倒。
大將軍拎住劍,守係座死城到。
輸左啦。
死淨幾十個士兵係到守住,打遊擊戰。
而對面係無數既魔物。

連大將軍都輸左。
王國係咪真係無得救?
唯一方法係打低魔王?



雖然唔明白既事實在太多,因為只要打低魔王就得?

大將軍比幾十隻森林蜥蝪圍住。
好似唔係幾夠打。

「魔法衝擊」
我開技彈開哂堆魔物。

「無事嘛?」我問。
「你係……點解你會係到?」大將軍問。



無時間解釋呢D。
呢場戰鬥明明已經輸左,但係傳送黎呢到做咩?

「快D走……逃走啦!對手係……」

【魔王】 龍騎士-凱撒 LV99

HP:129531
MP:167954

力量:7642  敏捷:5642
防禦:9742  魔力:2642

魔王!


呢個人就係魔王?
黑色、兩米高既男人。
成身都係黑色既龍骨盔甲,包住身體每一片肌膚。

呢個人……就係魔王?
好強。
一睇就知好強。
神話級魔物,仲要係神話級魔物既顛峰。
最起碼,去到龍王既級數。

我真係要打低呢個人?
真係要?
無可能!
做唔到。
根本做唔到。


STATUS差太多。
所以……

大將軍跳左上去,頂住佢。

「寒光之劍」
大將軍把劍發光,然後一劍斬落去魔王到。
好強大既威力。
斬擊帶黎到衝擊波,將魔王身後既瓦礫吹走。

但係,魔王只係用手,一隻手接住左佢把劍。

STATUS既差距。

「黑暗飛彈」


遠距離有人開技能攻擊,支援魔王。
大將軍即刻退後。

係咩人!

蜘蛛女王?

「交比我啦,行開啦,堅系令囡。」蜘蛛女王講。

魔王:「咦?!!?!」

蜘蛛女王:「……幻覺黎,我咩都無講過。」

即是點?
咩堅系令囡?



蜘蛛女王既出現,令到氣氛緩和左。
但係。
唔知點解,我更加不安。
已有 0 人追稿