黑龍。
難以置信既,全STATUS接近封頂既實力。
係用左外神既力量,用左外掛修改自己既STATUS?
龍人領主居然有咁樣既實力……
甚至已經超越左龍王。
四大龍王既STATUS,都遠遠比唔上佢。

「天空殞落」
龍人領主變左身之後,諗都唔諗,即時對黑騎士攻擊。
係同頭先既大型魔法一樣既技能,不過佢淨係以自己一個既力量使出黎。


而且,比起頭先,威力強左好多。
巨型既殞石從天而降。
大爆炸。
完全無留到手。
一黎就用招咁強既技能。
除左獸人領主、骸骨龍,方圓十里既事物都化為灰燼。

黑騎士重傷瞓低左。

「咩話……?」龍人領主好驚訝咁問。



無錯,令佢驚訝既係,就算係呢一招咁強既攻擊,都只可以令到黑騎士重傷。
我諗呢一招,如果係其他龍王接住既話,都必死無疑。
海龍王,你究竟強到咩地步?

黑騎士勉強企左起身。

「好耐都未試過受傷。」黑騎士講。
黑騎士除左頭盔,變番做龍型態。



「你係……?」龍人領主問。

【水的元素使】 海龍王-溫蒂妮 LV99

HP:615424/999999
MP:999999/999999

力量:9999  敏捷:9999
防禦:9999  魔力:9999

是咁的,戰鬥力突然之間黎個超級通脹。
依家終於都見到海龍王既STATUS。
真真正正既封頂STATUS。
唔係用外掛既力量,而係憑自己既實力升到上去,真真正正既全STATUS9999。
嚴重通脹呀!


會唔會勁過其他龍王太多呀!
三條龍王夾埋都唔夠你打啦!
咩鬼野設定黎架!

「點會咁……係海龍王……」

繼續打都係無意義。
勝負已分。
黑龍唔係海龍王既對手。
由佢見到海龍王既STATUS果刻開始,就知道自己唔會打得贏海龍王。

「撤退啦……獸人領主,你帶走骸骨龍先。」龍人領主講。

骸骨龍無反抗。
大概係見到海龍王現身覺得驚訝。



龍人領主變番做人型態。
海龍王都一樣,變番做人型態,白雪個LOOK,然後戴番黑騎士盔甲。

「點解……」龍人領主問。

「就係你?神話級魔物!」遠處有人騎住隻馬過黎。
白馬。
白色既……一個人。

「寒冰射擊」
對住黑騎士攻擊。

「咩人?」黑騎士問。



「勇者。」

白雪。
白雪以勇者既身份,騎馬過黎。
大概以為黑騎士就係果隻攻擊精靈國既神話級魔物。

等等!
白雪?

「龍人領主,你番去先,如果有野要問我,我一陣就會去搵你。」黑騎士講。

「明白……」龍人領主撤退。

「喝!」
白雪拎住把劍,斬向黑騎士。
已有 0 人追稿