不死族領地。
故名思義,就係不城族既城鎮,四圍都係不死族。
所謂既不死族只係一個大統稱,並唔係真係有個種族叫不死族。
殭屍、吸血鬼、骷髏、食屍鬼、木乃伊等等。
以上係魔界屬於少數種族既佢地組成左不死族既王國,係魔界佔一席位。

好快,我地就盪失路。
唔係D咩意外既事,由行入黎果一刻開始,我就有預感會盪失路。
卡珊德拉保持沉默,睇佢個樣好似有少少擔心師父。
比起自己,佢更加擔心約翰既安危。


的而且確,我地暫時唔會有咩危險。
雖然我地入左魔界,但係基本上都唔會有人諗到聯盟之王會走左去魔界。
自然唔會有人懷疑我地既身份。

之但係,約翰就唔同。
佢係聯盟到,應該就係比教皇追殺緊。
始終約翰知道教皇政變既事實,而且約翰同教皇一直都係敵對既狀態。
約翰到依家為止淨係用通訊魔法同卡珊德拉報左一次平安咁大把。
真係會令人擔心佢會唔會比教皇捉左,甚至殺左。



之不過,約翰絕對唔係個咁廢既角色。
歷代最強既大賢者。
次元的魔女。
佢好似可以自由、無限制咁係唔同既空間到穿梭,同卡珊德拉果D有限制既三腳貓功夫唔同。
所以,約翰係絕對唔會比教皇捉到。
所以,與其擔心佢,不如擔心自己好過啦。

奧托蘭多城堡。
不死族既城。
城就真係好大,錯綜複雜。


但係人口唔算多。
只係零零星星咁見到D不死族,有時會見到其他既龍人呀、獸人呀、魔物行過咁。
不過佢地完全無懷疑過我地既身份。
我係到諗,可以隨時瞬間轉移既約翰咪可以係魔界到自出自入?
甚至直取魔王既首級都唔係問題。
但係我又諗到魔王個樣。
同聯盟之王一樣,都係細路女既魔王天照。
可以輕鬆咁殺死HP過十萬既大蜘蛛。
無可能、無可能,就算係約翰都唔會打得低天照啦。

聯盟之王依家好似覺得有少少悶,淨係訓係我背上面咩都唔講。
覺得無聊拿?
但係我地又搵唔到路出返去。
去問下人囉。
又唔問。


唔知佢地想點。
淨係鳩下鳩下咁。
鳩行,行行企企咁。

無野可以做。
都幾悶下。
王完全無去諗政變既野,亦都無打算搶返政權。
好HEA既感覺。

「去搵地方落腳先?」王問。
「我無魔界既錢。」卡珊德拉好快就回答佢。

訓街啦屌你地。
想點姐你地?



係到行行企企又無怪打。
又無目標咁,淨係識鳩下鳩下,想點呀?

我地又爬上一條梯上面,穿過個大窿窿,又行上一條獨木橋,再行下行下黎到一個大屋面前。
好大。
有兩個守衛係到。
一個係骷髏。
另一個係吸血鬼。
都係40LV左右。

卡珊德拉諗住走。
都無路行,梗係走啦。
點知呢個時候,王同我地講:
「入去。」



咦?
入囉。
理所當然地,兩個守衛擋住左我地。

「你地係咩人?」
「走呀!無受到邀請既人,係唔可以入去!」
兩個守衛咁講。

「禁忌,觸犯左禁忌,佢地。」王突然好認真咁講。

禁忌?係咩意思?

「人死不能復生,放棄啦,勉強去復活死左既人係無幸福,好似係。」王開口講。
呢個時候,門打開左。



有個女人行左出黎。
「夫人。」守衛即刻跪拜個女人。

殭屍-瑪麗·雪萊 神官 LV72

HP:7756/7756
MP:7356/7356

力量:728  敏捷:696
防禦:564  魔力:798

「你地入黎。」佢講。
已有 0 人追稿