自殺以後，進入了RPG的世界: 不死族領主

出左城。
王好似識得路咁行，避過哂所有危險既道路，穿山過海，黎到一座山洞前面。
王話要阻止佢地既復活儀式。
好仆街。
唔幫不但止，聽完佢地9UP之後仲要去阻止佢地。
好撚狗。

即使係咁，卡珊德拉依然跟住個王。
所以我都去跟住佢。
卡珊德拉其實都係個幾可憐既人。




但係我又可以做到D咩呢？

「要入去啦。」王講。

「你打算點做？」卡珊德拉問。

「殺。」
「無赦。」

王只係簡簡單單咁講左幾粒字，已經令到人不安。





行左入去個山洞到。
入面有幾個守衛。

「就決定用你啦，蠍子仔。」
王踢左我出去。
嗚，當我係咩？
唉。
算啦。
幫埋佢今次啦。




雖然我都唔知點解自己仲要去幫佢。

果幾個守衛好快就比我片低哂。
然後王又唔知做左D咩，打開左條秘道，黎到地底既一個大空洞入面。
又係地底呀，次次去親地底都比人打到變落水狗，不過我依家強左咁多，無事既。

「你係咩人？」
有個人問我地。

【不死族領主】巫妖-弗蘭肯斯坦 死靈法師 LV99

HP:8464/8464
MP:35646/35646

力量:978  敏捷:979




防禦:879  魔力:3845

係人型既生物？
巫妖？未見過既種族。
死靈法師都係未見過既職業。
MP高到唔合理。
魔力甚至高達3845，魔物黎講都已經係個好可怕既數字，更何況佢只係個人。
呢個男人，就係不死族既領主？
瑪麗既老公。
魔界既權力核心。
弗蘭肯斯坦！

「吓，仲洗問既，一定我地個樣就知道係黎踩場，踢館呀踢館呀！」
王講。





你傻架？好想咁樣問佢。
不過我諗王又真係傻既，唔怪得佢。

弗蘭(以下簡稱不死領主做弗蘭，太長懶得打)拎起佢把法杖，指住我地。
「黑暗飛彈」
幾粒黑色既飛彈攻過黎！
諗都唔諗就攻擊。
卡珊德拉應戰。
不過，形勢好明顯唔對路。
弗蘭比我想像中勁好多。
完全屌打緊卡珊德拉。
我加入埋戰線，都唔係佢對手。
好強既男人。
我諗約翰係到都未必抽得贏佢。





「不愧係不死族既領主，真係強。」王講。
收爹啦，你又唔係幫手打，係後面叫春做乜9。

「不死族領主？你地唔係魔界既人？唔清楚魔界發生緊咩事？」
「唔知噃SOR鳩。」
「我係魔王。正確黎講，魔界已經唔存在魔王，我地六大領主每一個都係魔王，舊既魔王已經唔存在！我地係七大魔王，統領住呢個世界既存在！」
「吓？睇黎你數學拎U。」

弗蘭無再講野，繼續同我地打。
七大魔王？
天照係其中之一？

「白痴仔~你以為自稱魔王就係魔王架拿？你SHOW你個稱號出鳩黎先啦~」王繼續挑釁人。
唔理我地感受呀。
「王，我地要戰略性撤退。」卡珊德拉向王提議。




「渣GA。」

卡珊德拉同我即刻帶住王撤退。

「咪比佢地走。」

之後，有個女人拎住劍，企係我地面前。

【近戰神官】殭屍-瑪麗·雪萊 神官 LV72

HP:7756/7756
MP:7356/7356

力量:728  敏捷:696
防禦:564  魔力:798

【近戰神官】:授予使用近戰武器擊殺50人之神官。自身力量防禦上升12%，使用治回復技能時，回復力減少50%。