自殺以後，進入了RPG的世界: GM

女神降臨。
呃……
好突然。
唔知點做好。
不過，如果話呢個叫天照叫人就係女神，咁就解釋哂所有既野。
作為女神，自然係呢個世界上凌駕一切既存在。

迦具土好似開始退後。
天照坐係風龍王頭上面，露齒狂笑。
好不安既感覺。




雖然話就話係女神，但係女神究竟係咩人……

「女神究竟係咩人……好問題，如果用返你地個世界既用語……呢個世界係一隻GAME，咁我就係GM呀，蠍子仔……蠍子女……小蠍蠍，呀，就叫你小KIDKID。」
天照帶住玩味既笑容講。
小KIDKID……？
GM？
遊戲既管理員？

等等先，GM仲可以讀埋我心入面諗緊乜？





「係呀，梗係讀到啦，我話哂都係呢個世界上最靚，最偉大既神明大人啊！」天照笑笑口講。

天照由風龍王頭上面行返落黎，手指向左邊既一塊石頭。
「神明大人係無所不能。」
「當然啦，勸你地唔好得罪女神，如果唔係既話……」
石頭大爆炸。
巨大既衝擊波。
成個山洞……應該係連座山都夷為平地。

呢D就係女神既實力……權限？




石頭爆開左，然後走左幾個迷你天照出黎。
細細粒，每隻只有一個人既手掌咁大。
幾可愛……
有一隻迷你天照爬左上黎我身上，走去我耳邊扮成我把聲講：
「啊，天照大人你好靚女啊，可唔可以比你做你隻兵啊？」

「啊，多謝你啊小KIDKID，不過都好多人咁樣讚我。」
天照回答我？

？？？
？？？
黑人問號。
做乜鳩。
成場DEAD哂AIR。
佢係咪覺得自己好好笑？




全場所有人都唔識比反應佢。

然後，隻迷你天照毆打我。

「啊，算啦，好似廢話講得太多。」
天照咳左兩聲清痰，然後扶起左比迷你天照打到變成豬頭咁樣既我。

「不過啊，頭先用魔法陣果個人究竟係邊個？魔法陣……點解好呢，就係類似你地世界既果D CUSTOMER SERVICE HOTLINE咁……又或者係D咩回報BUG比GM既機制，類似啦，不過應該無乜人識得用先係架喎。明明一直好小心唔比人知點樣用魔法陣去回報黎減少工作量……可惡啊，明明從來都無人用過！究竟係邊個，頭先條友？」
天照係到發唔知咩神經。

比起呢D，有D事情我更加想知。

「點解我會轉生黎到呢個世界？」我問。
「女神你黎呢到所為何事？你唔會係我地既敵人掛？」迦具土幾乎同我同時間出聲。





天照笑左一笑。
「當然唔會啦，老實講，干涉你地既行動唔係我既職責……雖然我一直都係隨心所欲咁行動，但起碼依家我無諗住滅你地團。」
無視我，定扮聽唔到？

「你既職責究竟係咩？」迦具土問。
「當然係保護呢個世界啦，不過呢個世界本身發生咩事，都與我無關。去做你想做既野啦，趁我仲未改變主意之前。」天照又微笑，然後企上去風龍王頭頂。風龍王張開雙翅，準備離開。

咩意思？
咩叫保護世界，但又唔會理呢個世界本身發生緊既事？
迦具土既目的究竟係咩？

天照啪左下手指，成座山回復返原狀，好似從來都未比人破壞過咁。
然後，佢同風龍王就消失左。

蜘蛛女王一直都保持沉默。




佢係到思索既咩野？

「瞬間轉移走左既果兩個人係？」迦具土問。
「你講果兩個？空間魔法。唔會有錯，發動魔法一定係次元既魔女，聯盟既大賢者約翰‧提托。」蜘蛛女王回答。
「咁姐係話，呢一個人係……？」
「聯盟之王。」
「我啊，開始對聯盟有興趣，我要去毀滅聯盟，單騎去。」

單騎……

「係、係，我地返去魔王城先啦。」