上回提到:
1.約翰救左我返去,帶左返去聯盟
2.迦具土發癲過黎毀滅聯盟
3.我地追住迦具土,呢個時候獸人領主黑犬過黎攔截我地
4.我又唔夠打
5.黑騎士走左過黎幫我地

黑犬對黑騎士。

「你究竟係咩人?你並唔係黑騎士,黑騎士既劍術唔會有你咁勁!」黑犬問。


黑騎士無回答。
「係我認知入面,呢個世界上唔存在比我地更加強既魔物,你究竟係邊個?」
都係無回答。
「去到我地級數既,就只係得龍種。你係風龍王既人?定係火龍王?」
一樣。
「點解你要阻礙我地?」

「對於我黎講,聯盟依個時候比人毀滅左既話,我會好頭痛。」
黑騎士終於回答,並用劍指住黑犬。



黑犬手執雙劍,衝向黑騎士。
「咁你消失啦。」

「你地,去追果條龍。」
黑騎士同我地講。

無錯,依家唔係理佢地既時候。
必須去追果一條龍。
迦具土。
雖然唔知呢個黑騎士究竟係咩人,唔知佢是敵是友,唔知點解佢同魔界既黑騎士一樣,不過好明顯係兩個唔同既人。


但係,依家我地必須去打低迦具土。

我點一點頭。
帶埋約翰、三師姐一齊追。
太遲啦。
天空上面已經失去左迦具土既蹤影。
好快。
我地追唔切。

「無計啦,你地靠近我,我要用空間魔法。」約翰講。
空間魔法。
傳送我地三個去到王宮。

一去到王宮,就見到成座城都變成火海。
唔知幾多人比佢燒死左。


四圍都係紅色,開始分唔到邊D係血,邊D係火。
淨係知道呢一到係人間煉獄。

王宮比迦具土燒毀,燒到LUM左。
好多士兵都死左。
果然,真係可以單騎毀滅成個王宮。
呢D就係神話級魔物既實力?
而我,都一樣擁有咁樣既力量?

搵唔到迦具土。
但係四圍都係火海,好明顯佢一定黎過。
之但係……佢係邊呢?
無錯。
佢既目的唔單止係毀滅聯盟!
目標仲要係王!


果一個好臭寸既王!

「王係邊到?」我問約翰。
約翰搖頭,答我唔到。

突然間,聽到聲龍吟。
係後面!
姐係話,迦具土就係係後面。
打唔打得贏都好,係時候同佢做個了斷!
必須要係到殺死迦具土!

我地追左上去。
只見……
一條龍……
倒卧左係地上面。


係迦具土。
身受重傷,訓左係地上面。
係咩人……係邊個做既?

「哦?你地黎拿?唔好再遲D?」

係王。
王坐左係龍頭上面。
限制解除左。
依家既王唔再係一個黑暗精靈細路女,變成左一個精靈族既女人。
之前見過,係精靈王。
可以查到王既STATUS。

【女王】 蝴蝶女王-線蛺蝶 LV85



HP:34844/89842
MP:54241/184251

力量:3352  敏捷:5456
防禦:2211  魔力:5901

佢張開雙翼,一對蝴蝶既翼,飛過黎我地到。
「係時候正式自我介紹一下,我係聯盟之王,同時亦都係精靈王。我既名叫線蛺蝶,如你所見,係一隻蝴蝶女王。」
然後,佢又係到哈哈大笑。
已有 0 人追稿