不死族領地。
領主府邸。
領主既房間。

無特別既房間。
明明係領主既房間,但係一d都唔奢華。
除左大d之外,真係無咩特別。
就只係個平常既黑色房間。
房間入面有乜?
就得一張長枱,有一張老細櫈,有幾個客椅。


就係咁。

果個女人一下子就坐左係張老細櫈到。
明明果個係我既位,但佢完全一副wfc既樣。
坐係櫈上面轉兩圈,然後想放對腳上去張枱上面。
點知對腳太短,跌左落地。
佢咳左兩聲,扮無事咁樣正正經經坐係到。
係係我個位到。

「喂。」我講。


「你有野問我呢個慈悲仁愛、美若天仙、無所不能、全知全能、氣質高雅、可愛無比、寬宏大量、賢良淑德、和藹可親、活潑開朗、冰雪聰明、大公無私、天真爛漫、文質彬彬、成熟穩重、慈悲仁愛、美若天仙、無所不能、全知全能、氣質高雅、可愛無比、寬宏大量、賢良淑德、和藹可親、屌你老母、活潑開朗、冰雪聰明、大公無私、天真爛漫、文質彬彬、成熟穩重、慈悲仁愛、美若天仙、無所不能、全知全能、氣質高雅、可愛無比、寬宏大量、賢良淑德、和藹可親、活潑開朗、冰雪聰明、大公無私、天真爛漫、文質彬彬、成熟穩重、慈悲仁愛、美若天仙、無所不能、全知全能、氣質高雅、可愛無比、寬宏大量、賢良淑德、和藹可親、活潑開朗、冰雪聰明、大公無私、天真爛漫、文質彬彬、成熟穩重、慈悲仁愛、美若天仙、無所不能、全知全能、氣質高雅、可愛無比、寬宏大量、賢良淑德、和藹可親、活潑開朗、冰雪聰明、大公無私、天真爛漫、文質彬彬、成熟穩重、慈悲仁愛、美若天仙、無所不能、全知全能、氣質高雅、可愛無比、寬宏大量、賢良淑德、和藹可親、活潑開朗、冰雪聰明、大公無私、天真爛漫、文質彬彬、成熟穩重既女神大人啊?」

聽佢講完廢話後,我又再問:
「蜘蛛女王究竟係咩人?佢目的又係咩?而蝴蝶女王又係咩人?點解係呢兩個女王領導住呢個世界?」

「點知姐。」佢坐左張櫈係咁轉圈。

問佢都無用,佢唔會答我。

「咁三師姐⋯⋯大賢者三徒弟係咩人?你識既人?」



「識啊。」

睇怕我係天照身上面唔會得到任何既資訊。
女神,你的資訊很有用。

「跟住你諗住點做?」天照問。
「唔知,你呢?」
「無,近排我都幾得閒,會跟住你。」
「蜘蛛女王有委託比我。」
「唔?咩委託呀小kid kid?」
「暗殺蝴蝶女王。」
「哇⋯⋯估唔到喎。」
「我唔知自己去唔去好。」
「你鐘意囉。」


「點解你明明係女神,但係咩都唔理咁?」
「點解我要理,關我咩事?」
「佢係聯盟既王喎,聯盟個王死左⋯⋯」
「死咪死囉,聯盟執埋都唔關我事啦。」

女神一副咩都唔理個樣。

「我想去。」我同佢講。
「去馬囉。」
「但我唔想同約翰打。」
「明白啦,我會幫你拖住約翰,唔用權限既力量下。」
「點解你要幫我?」
「因為我都幾得閒囉。」

我企左起身。



「依家出發?」佢問。
「無錯。」
「帶幾多人。」
「兩個,我同你。」
「好似迦具土咁,正面攻過去?」
「無錯。」

我想殺左蝴蝶女王好耐。
係時候要同佢清算。
卡珊德拉,我會幫你報仇。

「你覺得自己打得贏咩?」
「贏到。依家既我唔再係之前咁垃圾既我。」



行出去。
深深吸左一口氣。
然後,跑過去。
直接衝過去聯盟。
直取蝴蝶女王人頭。
已有 0 人追稿