自殺以後，進入了RPG的世界: LV強化器

正面進攻。
一堆烏合之眾攔唔住我。
劍聖唔係到。
輕而易舉就攻入左去。

利用空間魔法返黎既約翰，即刻比天照纏上。
依家毫無疑問，可以同蝴蝶女王一打一。

王宮盡毀。
士兵死既死，傷既傷，逃走既逃走。




血流成河。
在所不措。
已經在所不措了。

坐係王椅上既蝴蝶女王，從容不迫既飲佢既紅茶。
好似完全唔CARE頭上面既天花板、果幾層樓消失左咁。

「投降輸一半。」佢講。

究極光束。




一開波就用大招攻過去。
只見蝴蝶女王輕輕拍翼，用最細幅度既移動就避開左我既呢一記攻擊。

「我既存在比起果幾條龍，比起你老細蜘蛛女王仲更加古老，我生存係呢個世界已經有三、四千年啦，憑你就想打贏我？」佢笑一笑咁講。
STATUS差唔多。
但係經驗上就差好遠。
有可能，目前為此，佢係我見過既人入面最強既果一個。
當然唔記龍王同天照啦。

蝴蝶女王瞬間飛左上天。




消失左？
弊！
犯左個大錯。
唔應該拆左個王宮佢。
係室內戰鬥，佢就唔可以飛到無雷公咁高。
失策。

見唔到佢，佢究竟係邊到？

「我勸你就走啦。你依家走左去，以往既事我都可以既往不咎。我話哂都見證住外神既出現、惡魔既降臨、蜘蛛既誕生，你打得贏既機率，係零呀，哈哈哈。」

冷靜少少。
唔好比佢干擾到。
如果係蝴蝶女王，如果我係佢，我會點樣攻過黎？





「究極光束」
開技既唔係我，係蝴蝶女王。
巨大既光束從天而降。
我勉強用[外骨骼]防禦住。
好痛。
好強。

但係，轉眼間，佢去到我既面前。

「究極光束」
佢零距離攻擊？冷卻時間會唔會再快D？佢可以連快呢一招大技？
我既[外骨骼]仲未冷卻完，要硬食呢一招。

好強。
呢隻蝴蝶。




我訓左係地，重傷。
真係唔夠打。
只係兩招就打到我重傷。
佢LV究竟係……？
LV240？
點解會咁？
會有LV240架咩？最高唔係應該得99咩？
好奇怪？

「你係想問我既LV？無錯呀，LV上限理論上係99，不過我做左D手腳，放左個LV強化器係到，隨住時間我既LV係會愈黎愈高。」

LV強化器？
咩黎？
仲唔係開外掛？
外掛呀！GM係邊！女神係邊？




BAM佢AC呀！

冷靜少少先。
要打低佢，就姐係要搵到個強化器先。
就咁打佢，係唔會打得贏。
要先破壞左個LV強化器，我先至有機會打得贏。

之但係，究竟個LV強化器放左係邊？
佢會放係邊？
可惡！

「你係到諗緊個強化器放係邊？算把啦，搵唔到架你，我收埋左係個好隱蔽既地方，你呢D蛋散係唔會搵得到架，嘻嘻。」

究竟係邊到？
自信到……我絕對唔會搵得到既地方？