望住坐係自己個位上面既佢,我企定定係到。
咩都做唔到。
佢死左。
瘁死。
唔知點解會死左。
同岩岩跳樓自殺既果個人有關?
同岩岩行雷閃電有關?

我望住天照,天照只係企係到望返我轉頭。



「你比我睇呢D野想點?」
「無呀,我覺得你會想知姐,你死左之後佢生活過成點。」
「唔好笑,你比我睇呢幕有咩意思?」
無回答。
「咁佢點解會死左?」
一樣都係無回答。

呀……
呢一刻我唔知自己應該比咩反應。
喊唔出。


我好攰。

火焰……
唔知邊到傳黎火焰,將一切都燒毀。
望住條屍比火燒焦,我又係咩都做唔到。

「我好攰。」我同天照講。
「你想返去呢一個世界到?」
「……」



我望住佢。
我都唔知。
返黎都無意思,佢都死左。

REPLAY去到呢到。
所有野都消失哂。
我返返去RPG世界。
返去魔界既一個森林入面。

「你究竟想同我講D咩,直接講出啦!」我對天照咆哮。
「無,你諗多左。」天照回答。

呀,好煩。
已經唔知想點。



我已經……

「黑暗飛彈」

遠距離有魔法攻擊過黎!
黑色既細點光束。
天照企左係我前面,開左個光盾擋住。

敵人?
呢個時候我先反應得切。
係邊個?
究竟係咩人?
呢到明明係魔王城之下,居然入到黎殺我呢個魔王?
唔通係惡魔領主派過黎……殺我?



「暗影長槍」
漆黑既魔法制長槍。
由遠處投擲埋黎。
我跳起避開。
呢個時候,出現左D好細既絲線,駁住左我隻腳。
對方用力一扯,將我成個人拖走左。

咳。
係……
三師姐?
三師姐望住我。

唔係,佢係當年既蜘蛛!
三師姐變左樣。
變成左個黑暗精靈既樣。


我見過……
係頭先……
唔係,係REPLAY入面學校天台果個黑暗精靈。

佢同瘁死事件有咩關係?
「死亡踐踏」
下一秒,佢隻腳飛到我眼前。
差1CM我就比佢隻腳爆頭。

係天照。
天照開左唔知咩技,擋住左三師姐。
三師姐收埋隻腳。

「冷靜D,小蛛蛛,無必要殺佢啊。」天照開口講。
三師姐無反應,唔知係咪聽唔到定聽唔明。


「咪講左話,加入魔王都未必係蜘蛛女王既人囉。」
唔知係咪我錯覺,三師姐聽到蜘蛛女王一詞皺左下眉頭。

「佢過黎殺蝴蝶喎。」三師姐望住我。
已有 0 人追稿