自殺以後，進入了RPG的世界: 玩家與BOSS

再一次強攻教堂。
得到火蜥蜴同埋骷嘍族男人既幫助，我順利咁攻到入去。

企係我面前既，係前黑騎士成員，海克托。
佢拎住把兩米長既長刀，一把唔符合使用身長比例既長刀。
我係到諗，呢個男人究竟係咪真係揮得郁把長刀呢。

係呢個時候，男人又開口問我，要我報上名來。
好撚煩，就好似係D垃圾GAME創角咁，我填個名入去佢話個名比人用左，要我重新填過。
個死人NPC又重覆返同樣既說話，好似我一日唔揀好個角色名就一日唔鳩比我玩咁。





「名字算什麼，就算換個名字，玫瑰還是一樣幽香！」
我懶係野咁拋書包。
點閪知佢又係到問我叫咩名。
屌你班NPC唔好咁死板啦。

「暗影長槍」
我唔打算同佢係到9UP，然後凝聚魔力，右手伸向男人到。
由暗屬性魔法編織而成既長槍刺向男人身上。





男人無再係到講廢話，一下避開左我既攻擊。

「憑你就想打贏我？」佢大聲咆哮。
「哼，呢句話應該係我講先岩！」

佢瞬間埋我到身。
咁近既距離，對長刀黎講唔係不利咩？
不過咁近既距離，形勢對我更為不利。

「原子分割」




佢一刀由下而上揮舞，幾乎將我身體割開。
好痛，血如泉湧。
如果我唔係蠍子女王，呢一擊已經打到我瀕死。

不得不承認呢個男人好強。
用人類既身份係無可能贏到佢。
型態轉換。
屁股到生左條蠍子尾出黎，然後兩個鉗浮空係天上面。

「係魔物？」
男人即刻退後兩步。

哼，你拉開距離，仲更加有利我！

「暗影長槍」




再一次用暗影長槍攻擊。
漆黑既長槍投向男人到。
佢即刻避開。
「蠍子毒尾」
我既尾巴攻擊範圍仲大過長刀。
佢身手好敏捷，避開攻擊之餘，又一劍斬落我身上。

可惡。
呢個男人比想像中強。
強既唔係STATUS，而係佢對於戰鬥既經驗。
佢識得睇穿我既攻擊，知道幾時應該迴避，知道幾時可以攻擊。
就好似GAME入面最強既角色咁－－

玩家。





而我就係擋係佢面前既BOSS。
我每一擊都可以打到佢重傷，但係佢可以透過回復藥回復。
我贏到佢就只有兩個方法。
1.一擊秒殺佢，只要我造成既傷害大於佢最大HP就得。
2.連擊，係佢回復好之前，連擊打死佢。

但係呢兩種方法都建立係一個前提之上。
我要先打中佢。

「放棄啦，我地有成千上萬既信徒，你係無可能打得贏我地！」
男人大叫。

「火流星雨」
天空上無數既火球落下。
將成座教堂打爛。




四圍都係火焰。
無數既屍體。

只見天空上面出現左一條龍。
赤色既火龍。

「烈焰龍？點會咁？神話級魔物？你地究竟係咩人？」男人問我。

喂喂！我夠係神話級魔物啦！
好機會！
蠍子之鉗。
一個鉗飛過去，佢即係用把長刀擋住。
另一個鉗偷襲！成功束縛住佢！

「我係咩人？好問題。我係不死族魔王！蠍子女王！」




「魔王⋯⋯？」

「究極光束」
巨大既光束貫穿左佢既身軀。