自殺以後，進入了RPG的世界: 轉生者們

眼前既呢一個女仔，毫無疑問係Alice。
一樣既面孔，一樣既眼睛，一樣既瞳孔。
只係頭上面多左兩隻惡魔角。
以及一身奇幻打扮既衣服。

Alice皺左下眉頭，問：
「你係邊個？」

「我……」我正想回答果陣，骷髏族男人突然間走左入黎教堂。





「Alice……你係Alice？我係阿俊啊！」
骷髏男人行左過去，捉住Alice隻手。
「一千年啦，一千年，我終於見到你。」

「阿俊？吓，你係阿俊，乜原來已經過左一千年拿？對你黎講已經係一千年，實際時間都係過左一千年，都已經過左咁耐。」
果個自稱係阿俊既男人退後兩步，然後講 :
「我就變左咁既樣，你就無變過。」

「感人既重逢啊，所以你決定點？親愛既蠍子仔？」天照問我。





我……

「你面前既係阿斯塔錄，地獄既大公爵，相當於惡魔之中既魔，無錯啦，就係魔神。」
天照笑笑口回答。

「多謝你既補充，女神閣下。」Alice都笑住回答 ，然後又問我:「你都係轉生者啦，你係肥豪？定係阿JOHN？斷估唔係班長掛？」

「我……」
我想回答，但係講唔出口。
我未見過佢笑既樣。




從來都無見過。
如果我依家表露自己前世係邊個，佢究竟會露出個點樣既表情？

「不過點都好，你唔會與我為敵啦，我只係想帶走佢姐。」
Alice笑一笑，指住亞巴頓講。

「喂喂，你係咩意思啊？」Alice開始不悅。

我咩都未做……
咩意思？
呢個時候，我先發覺到空氣之中滿佈住極幼既蜘蛛絲。

「梁同學，我地都好耐無見。」
Alice收起左笑容，露出一個敵視既眼神。





「唔帶得佢走。」

係蜘蛛女王！係三師姐！係蜘蛛！
唔知幾時開始，佢一直倒吊係天花板到。

「梁同學，身為女神應該無理由與我為敵喎，我地之間既目標應該係無衝突喎。」

「我從來唔覺得自己係女神。如果要分類既話，我應該係外神。」

「咁樣我咪係魔神？」
Alice嘆左口氣，用手指住蜘蛛。
地板出現裂縫，裂縫之中出現黑色既光芒，伸出無數既黑影之手，攻擊蜘蛛。
蜘蛛望左一眼，黑影之手全部比蜘蛛絲束縛住。
唔知幾時開始，蜘蛛消失左。
轉眼間去到Alice身後。




極幼既蛛絲纏住Alice條頸。
只要蜘蛛用多少少力，Alice會即刻斷氣。

「等、等等！」
我連忙大叫。

「又係呢招啊。好啦好啦，我投降。係你既世界到，我無可能夠你打。」
「即使無管理員權限，你都唔會贏到我，好似你仲係愛麗斯果陣咁。」

蜘蛛即刻用力一扯，蜘蛛絲即刻絞住Alice。
係分身，或者叫做金蟬脫殼之類，蜘蛛絞殺既，就只係一具人偶。
真正既Alice已經帶住亞巴頓走左。

一句話都無講低就走左。
我好迷惘。




我最後都無同Alice相認。
我唔夠膽同佢相認。
我應該點做？

骷髏族男人走過黎同我搭話。
「你都係轉生者？」

咩意思？
莫非佢都係？
恐怕，蜘蛛都係。

「係，不過佢同我地唔同。」
蜘蛛行左過黎插嘴。

「佢唔係我地原本十個老師、同學之一。」





十個老師同同學？
原來係咁。
之前天照比我睇果段replay，Alice同班同學全部無啦啦死哂，同埋有個人自殺。
之後佢地成班人都轉生黎呢個世界。

我點解會轉生埋黎呢個世界？
係一個巧合？
抑或者係，背後有人安排？