自殺以後，進入了RPG的世界: 烏鴉

身為魔王，要做既事就只有一樣。
到目前為止，只係殺左萬幾個人。

未夠。

目標係四千萬人。
利用四千萬人既靈魂去換取約翰既靈魂返黎。
我依家只係達成左四千份之一。

不死族領地擴大。




將森林、沙漠、山嶺，甚至係魔界入面既中立地區，唔直屬於任何魔王既地區，
將呢D地區所有既生命體趕盡殺絕。

仲係未夠。
唔係單純殺死就可以，仲要去收集靈魂。
死係戰場上既靈魂好難去收集。
最快捷既做法令佢地恐懼，令佢地去投降。
然後，再殺哂佢地，去收集哂佢地既靈魂。

不死族既國力，都唔係咁弱姐。




我唔使親自出馬，只要係到落命令就得。
魔王真係方便。

我既舉動，似乎引起其他既魔王不滿。
不過惡魔魔王死左……大部份魔王唔知情，應該只係知佢失左蹤。
係呢種情況之下，其他既魔王都唔敢輕舉妄動。
佢地都係僅慎派。

但係，有一條戰線好似出左問題。





我企係座山上面，俯瞰戰場。
係單方面既屠殺。
對面係牛頭人既部落。
我地既軍隊同呢班部落戰士差幾條街。
無論係陣形、數量，定係單體戰鬥力都係我地遙遙領先。

咁就奇怪，究竟出現左D咩，令到軍隊既行動卡住左。

好快，我地就打到佢地潰不失軍。
牛頭人撤退入返城牆入面。
不死族軍隊的將軍係個食屍鬼。
身形高大，約三米左右高既超級大肥仔。
手上面拎住把鐵撬，上面充滿住血既味道。

呢個體型絕對唔係食屍鬼應該擁有既體型。




遠睇，可能會誤認為係巨人。
但係佢的而且確係隻食屍鬼。
仲要係隻LV82既食屍鬼。
對於人型生物黎講，LV82係個好高既數字。
全世界黎講，可以同呢隻食屍鬼一戰既人形生物，睇怕唔超過一百個。

食屍鬼衝左上去，呢個時候有個人擋左係佢面前。

「出現喇，係佢。」
瑪莉係我身後講。
咦咦咦？點解你會係到架？

「我地已經有五個將領比佢斬左。」

五個？




呢個就係戰線一直推唔上去既原因？

再望返落去。
係個精靈族女人。
黑色長髮，黃種皮膚。
最大特徵係佢條頸巾，黑色羽毛既頸巾，就好似對翼咁纏係條頸上面。
然後，全身都比玫瑰既花莖纏繞。

【魔物之王】災禍烏鴉 LV99

HP:103511/103511
MP:201141/201141

力量:6945  敏捷:9582
防禦:2355  魔力:8721





【魔物之王】:只有一個人能得到的稱號，授予魔物最強者。沒有效果。

龍王等級既STATUS。
無名？
弊，呢隻生物……
好強！
同女王系列既生物唔同，就算外貌仲係人樣，但係STATUS、佢既力量仲係魔物既級別。
人型既外貌，就係呢隻生物既真實面貌！

食屍鬼諗都唔諗，衝左上去。
烏鴉拔刀。
東洋風既武士刀——

「究極光束」




我即刻開炮攻擊。

好快！
避開左我遠距離既狙擊？

烏鴉察覺到我。
嚴肅既眼神。
而手上既武士刀唔見左——
插左落食屍鬼既身上。