簡單易明既戰術。
蜘蛛採用既戰術好簡單,就係利用猛毒去屈死烏鴉。
一百秒之內,無論對方有幾多血,都會比蜘蛛屈死。
蜘蛛依家要做既,就只係捱過呢一百秒,同埋每十秒望烏鴉一眼。

蜘蛛毒眼,真係一招好可怕既技能。

問題係,STATUS上差距真係好大。
敏捷同力量上,烏鴉完完全全壓制住蜘蛛。
正常黎講,唔使一百秒,烏鴉就可以擊殺蜘蛛。



但係蜘蛛用盡所有既手法去撐住呢一百秒。
回復、吸血、束縛,所有奇奇怪怪既效果都用哂。
勝負仲好難講。

烏鴉雖然好勁,但係似乎無回血既手段。
呢場戰鬥明顯對蜘蛛有利。
撇開STATUS既差距,利用各種戰術去取勝。
呢個就係蜘蛛一直以黎既生存方式?



「時間干預」
蜘蛛又用奇怪既技能,令到烏鴉停左係半空。
「暗影長槍」
瞬間補上攻擊技能,又一下子削減左烏鴉既血量。

仲有50%。
烏鴉仲有一半既血。
而蜘蛛都係差唔多。
睇怕,贏既都係蜘蛛。



短短近身幾招,烏鴉打到蜘蛛幾乎訓地。
蜘蛛用腳攻擊,但係烏鴉避開順勢連斬幾刀。
消失左?
蜘蛛消失左?
唔係,應該係用左時間暫停。
蜘蛛利用時間暫停拉開距離。

無用。
唔到一秒既時間,烏鴉又將距離拉近。
平涉時間既技能效果不大,凍結左時間,毒傷都會凍結埋。
呢D技能只係下策,只可以用黎補刀或者逃走。
幾秒既喘息機會救唔到蜘蛛。
短短幾刀又將蜘蛛血量壓到得返20%。

仲有45%血。


過左咁多招都只不過係用左5秒。
或者,處於劣勢既人係蜘蛛。

「蜘蛛結界」
「鳥之幻影」
「魔法反制」、「暗影長槍」

利用「魔法反制」去化解「鳥之幻影」,利到「蜘蛛結界」成功咁束縛住烏鴉。
然後利用「暗影長槍」攻擊,去吸血。
唔錯,問題就係,浪費得太多既MP。

蜘蛛太過刻意去控血,唔係,係無辦法之下必須使用極大量既MP去控場。
問題黎啦,蜘蛛既MP都開始見底。

「斷頭一刀」


日本刀從天而降。
蜘蛛訓左係地上面無郁。
HP同MP都接近0。
勝負已分。

接近0——
姐係未去到0。
蜘蛛極速重整好態勢,舉起手——
係「暗影長槍」?定係「蜘蛛結界」?
無用,MP唔夠,就連「蜘蛛魔眼」都用唔到!

烏鴉唔敢怠慢,由蜘蛛訓地開始,半秒都唔夠飛去斬佢。
鮮血四散。

羽毛散滿一地。


空氣之中存在住極幼既蜘蛛絲。
蜘蛛絲係呢個世界上強度最高既物質。
韌性極高,無論用咩方法都扯唔斷。
如果拉到直,會係條極幼既鋼線。
用肉眼睇唔到既鋼線。
以烏鴉既速度,超音速飛埋去呢D拉到最盡既蜘蛛絲到會點?

係陷阱。
蜘蛛打從一開始唔係諗住用毒黎分勝負。
利用時間暫停既時間,分泌好蜘蛛絲埋伏。
睇準對方就黎贏而放鬆戒備。
打機,從來都唔可以貪刀。
一貪刀就會中伏。
呢個係真理。



好勁。
居然贏到呢隻怪物。
我用盡全力,都只係重創到烏鴉。
但係,蜘蛛居然贏到。

「型態轉換‧第二型態」

咩話?
烏鴉企左起身。
全身發黑氣。
日本刀唔見左。
雙手各持短刀。
頸巾化為三對黑色羽翼。
然後,HP回復到最滿,開始倒水咁倒。
每秒損失1%HP。

雙眼閃現紅光。
再一次衝埋去蜘蛛到!

蜘蛛絲陷阱仲係到!
就算再衝埋去……
擲刀。
雙刀飛左出去,穿過蜘蛛絲,去到蜘蛛面前。
無哂MP,用唔到時間暫停避開。
雙手拉盡蜘蛛絲,用物理手段擋住攻擊。
但係,烏鴉去左蜘蛛後面。

好快!
係瞬間轉移?
唔係,只係單純既極速,我同蜘蛛既眼睛,都跟唔上呢種速度。
最起碼已經係10馬赫以上

眼睛跟唔上既速度。
蜘蛛魔眼無效。
雖然本身已經無哂MP,而且已經將死左。
烏鴉埋左身,去到蜘蛛後面。

一刀斬落。
蜘蛛HP歸0,應聲倒地。
一聲慘叫都無,係地上面地去。
慢慢地,連STATUS都無埋,查唔到蜘蛛既STATUS。
換言之,係我面前既,就只係得具蜘蛛既屍體。
已有 0 人追稿