響徹雲霄既咆哮。
大地亦為之而顫抖。
巨樹森林動搖緊。
不知名既巨獸就喺前方。

撇開受過專業訓練既子彈蟻。
普通既村民根本無可能承受得住呢種未知既恐懼。
咆哮既可怕令深銘於基因入面既被捕食恐懼覺醒。
呢一刻,我哋唔再係萬物次靈、眾生之長。
我哋不過係餌食,只不過係巨獸既晚飯。



「根據基因鑑定,呢隻巨龜似乎同加拉帕戈斯象龜類似,應該係同一物種演化而成……估到去到未來,1.5米長既巨龜會變成依家咁既樣……」
科學家發狂咁尖叫。
只係運輸機係到掃瞄緊巨龜屍體。
UNCLE SAM既科技真係高深莫測。
就咁照一照就知道係咩生物?

「點解你斷言係未來生物?你唔係話有異世界怪物既存在咩?」
「未來都係異世界既一種,坦白講,我哋對異世界、未來世界、銀鑰匙一無所知。不過我哋深測到呢到既時空異常,而呢到亦出現咗隻唔屬於現代既奇怪生物,而呢種生物同現代生物有所聯繫,翻查化石樣本亦都見唔到相關既生物,我哋只可以推斷佢為未來生物。」



換言之,頭先巨大咆哮聲既主人,係屬於一種未來既頂級掠食者?
伊莉沙白拉住灰色女人,似乎覺得有啲驚。
唔好話細路女,其他大人一樣感到害怕。
就連我既雙手都流緊冷汗,差啲捉唔實把步槍。

未知既巨獸。

「呀……」

聽到一聲尖叫,即刻轉頭一望。


咩都無。
只係得幾個人跌咗喺地上面。

「呀……」

又一聲尖叫,同樣咩都見唔到。
發生咗咩事?
我忍住自己既恐懼,握實步槍。

「發生咩事?」
「捉走咗……」
「捉走咗?」
「上面呀!」

舉頭一望,一隻怪物從天而降想要襲擊我。


我一下跳開,拉開距離。
龍?
唔係,係蜥蝪?
一隻兩米長既巨蜥蝪伏喺地上面。
口中帶有鮮血,唔知食咗我哋幾多個同伴。
最特別既地方係,佢前肢好明顯咁演化咗對翼出嚟。
佢就係咆哮聲既主人?

「科莫多龍?又係嚟自未來既怪物?」

子彈蟻無任何動作,似乎無收到ORDER要殺呢隻怪物。
明顯就係怪獸呀!
做乜唔殺佢?
我拎起槍,即刻向前掃射。
巨蜥嚇到飛咗起身,伏係樹上面。


睇嚟佢係第一次見到槍。
佢唔敢輕舉妄動——

正當我咁諗既時候,佢飛撲咗過嚟——

比惡魔仲快。
但係,一個巨大既黑影撲咗出嚟。
一口咬住隻兩米長巨蜥。

那可是不折不扣既怪物。
約十三米左右既身長。
熟悉既巨口。
粗壯既大腿。
糼細既前肢。



「暴龍。」
我們如是稱呼眼前既生物。
「唔係,係南方巨獸龍,比暴龍大少少、長少少,不過無咁強壯既另一種白堊紀頂級捕食者。」

然後我開槍攻擊。

「喂,你做緊咩?」
科學家呼喝住我。
數發子彈打到南方巨獸龍既頭上,佢一時之間失去平衡,滿頭鮮血,但係好快就平衡返,望住我哋。

咆哮——

數個小孩被嚇得當場失禁。
森林中的鳥獸因而散走。
就連天空既巨蜥亦荒落而逃。



唔係掛,就連M16都唔可以有限殺得死呢隻巨獸?
我望住子彈蟻,佢哋仲係無打算迎擊。
號稱藍鯨都殺得死既毒槍,呢個時候仲唔拎出嚟用?

「佢係非常之值得研究既樣本,親眼見到活著既恐龍呀,點解要殺佢?」
科學家又拋出句令人驚訝既說話。
你講就梗係咁講啦,你坐係總部到,享受住冷氣緊係可以講呢啲風涼說話。
你有無諗過前線既感受?
佢既咆哮聲,喚醒咗人類被狩獵既恐懼!

子彈蟻一如既往無打算攻擊。
而南方巨獸龍明顯被激怒了,開始衝埋去我哋到。
已有 0 人追稿