天照又對住我笑,真係令人好唔舒服。
究竟佢想點……真係唔明佢。
講起上黎,天照個樣好似有D眼熟。
我以前係咪邊到見過佢呢?

頭先去完登記所,本來諗住接任黎做下,點知要等。
依家唔係我地去接任,係D任選擇冒險者。
搞錯呀,想接個任姐,都咁煩。
做冒險者既話,要成為左咩冒險者協會既會員先,咁樣先可以接受任務。
會藉係要錢既,ON9。


那有錢,所以天照幫我比埋。
我好似成日都欠佢野咁,呢個女人究竟想點呀!

於是,無野做,等任黎搵我地既時候,我地四圍去行下。
然後,我地走左入黎教堂。
教堂無咩特別,只係見到個神父係到對信眾9UP。
我同天照就坐左係一角,聽住佢9UP。
好悶。
真係好悶。



人類好似係信女神教,信呢個世界係由一個女神創造。
神父後面有個巨大既女神像,女神像搵左塊布遮住女神個樣,有D神祕。
諗番起之前第5層打果隻女神像就唔開胃。

真係好悶呀!
原本既世界我都無信咩宗教,所以我對佢地講既野完全無共嗚。
真係唔明D人點解要迷信呢D咁既野。
想瞓。

「喂喂,唔好瞓啦。」天照拍醒我。


佢真係好煩,真係想殺左佢。
算,我忍你。

「老實講,估唔到你會咁犀利。有無睇過《變形記》呀?本來以為你只係一隻普通既蟲,所以睇少左你。」
佢笑左一笑。

大賢者。
呢個人既實力究竟去到咩程度?
[【大賢者】:只有一個人能得到的稱號,授予給聯盟中法術最強之人。將得到 使用魔法時,魔力大幅度上升的能力]

擁有最強法術既人。
有無腎者之石架?
嘻!

禮拜完左之後,四圍D人都走哂。


神父都走埋,得番我同天照坐係到。
唔係喎,仲有個女仔!
無聊無野做裝下佢先。
唔?唔係偷窺,係明目張膽望佢!
反正我依家個LOOK都係個後生女,無咩問題啦~唔會比人報警拉架!

精靈-風騷 弓手 LV35

HP:3421
MP:3410

力量:324  敏捷:374
防禦:331  魔力:354

一見到呢D搞笑路人名就知道佢好快會死。


不過呢個女仔仲ON99留係到做乜?

「你……你好?你有事搵我?」
女仔問。

「呀……無……唔……唔好……唔好意思……SORRY……」
我即刻退後。
哇……好想死,點解我把口會咁……
雖然諗深一層好似真係成年以上無正正經經同人講過野……
以前既人生真係失敗,真係死左佢算……
死左啦,一早死左啦……
死左都係咁,不如再死多次啦,唉。

天照又對住我奸笑。
不如一槍打死我啦……


可惡……

「哈囉!我地係路過呢到既冒險者,想搵下D任務黎做,依家等緊任務無野好做,所以唔好對我既朋友見怪。佢雖然係個怪人,但係佢只係怕醜架姐,佢無惡意架,嚇親你唔好意思。」
天照走過黎幫我解場。
我要殺左佢,我要殺左佢呀!
去死呀!

「哦,原來係咁。」

「係呢,你係到做咩呀?」

「祈禱囉!」

「你信女神架?」



「嗯。黎得呢到梗係信啦,你係神官,應該都係信神?」

「唔?你同女神講左D咩呀?」

「無呀,其實都無咩特別架姐。」

我發覺我既存在真係可有可無。
好似比人遺忘左咁。
是但啦……慣左。
不過,我發覺依家好似由一個主角變成配角咁囉。
點解會咁……
是但啦。

唔?
有三隻白鴿飛左入黎,分別飛去我地三個果到。
睇黎架?有信?
唔?有任務做啦?
好,終於都可以舒展一下筋骨啦。
等等?三隻白鴿?

番到去介紹所,原來係組隊任務。
果個弓手居然係我地同伴,世界真係細。
最煩既係……

「MISS天照,你好靚女!」
「多謝!」
「火燭呀!你唔好再成日聊女仔啦。」

多左個男人。
好似仲係果個弓手既青梅竹馬。

矮人-火燭 戰士 LV48

HP:5035
MP:4736

力量:504  敏捷:473
防禦:531  魔力:421

「你咪嘈啦八婆,我識女仔關你咩事呀!」
「咪叫我八婆呀!」
「好煩呀你,咁你死開咪阻住我啦!」

哦,又比人無視。
已有 0 人追稿