自殺以後，進入了RPG的世界: LV問題

係喎，咁果兩個人點？
依家唔係注意天照既時候，果兩個人無事嘛？

「走啦？小蛛蛛？唔去查下發生緊咩事？」天照笑住講。
我無理佢，走番出去。
「你有咩唔明問我都得架喎。」
「唔關我既事。」
「果兩個人又關你既事？你唔係想殺死佢地架咩？」
我無回答。
「你之前唔係係咁殺人架咩？無論係黎襲擊你既人又好，自己既同伴又好，你都殺架喎。」




我都係無回答。
「呢D係咪叫，角色形象崩壞？」
我無回答，唔理佢，走番出去。

果然，果兩個人根本唔係大蜘蛛既對手。
佢地打得辛苦，如果唔係天照頭先開左女神之劍令佢地回血既話，大概已經死哂。
女神之劍，真係有可能一劍斬到150000傷害？
明明天照本身既血只有8000左右。

大蜘蛛望到我，然後又係果句。




「你係邊個？」
頂，悶唔悶？

戰士突然之間衝左上去，然後用用劍打埋身戰。
無用架，你地唔係佢對手。
大蜘蛛都無再理佢地，一下撲向我到。
仲好！
我順勢走左出去，走左出工廠。
要打既話，唔好係果兩個人面前打好D。
廢事比佢地發現我咁高LV。





「你係邊個？克蘇魯呢？」
我無回答，然後……
大蜘蛛又撲左過黎。
我順勢用蜘蛛結界綁住佢，然後用蜘蛛毒牙。
同頭先果隻怪物唔同，呢隻易打好多，就算係我一個人都輕鬆打得贏。

「嗚……你……」

暗影長槍。
一擊就打左佢三千血。
比想像中勁好多。

「蜘蛛結界！」佢都開結界，綁住左我。
然後，走人？




唔係掛？
咁就想走？
暗影長槍！
一槍貫穿左佢既身體。
死左。

點解我要救佢地？
我自己都唔明。

戰士同弓手走左出黎。
「無事嘛？」
「隻怪呢？」
佢地依家先一輪嘴問我，明明之前仲無視我。
今次，到我無視佢地。
為左合符常理，我用幻像魔法整到個樣同HP睇+落就死咁。





「無血啦你，飲番血水先啦。下次唔好咁啦，我地係一TEAM人黎架嘛！」
弓手友善咁比左樽血水我。
唔。
天照依家先慢慢走左出黎。
「喂！我需要個解釋，你地頭先去左邊？」
戰士大聲問。
天照冷笑左一聲，無回答。
「喂！你知唔知你差D害死左我地呀！」
明明之前仲成個狗公咁，依家居然興師問罪。

天照。
大賢者。
佢究竟想點？
係敵人，定係朋友？





「我想點？應該問你想點先真。」天照又板起個笑容。
「你……」
「我？出黎啦！你想點，大家都已經心知肚明啦！」

大家？
邊個大家呀？有無人可以解釋下狀況。

「屌！係你迫我。」戰士大聲怒喝。
「喂喂，就算我無迫你，你會咁做啦。」
「出黎啦。」戰士揮一揮手，然後十幾個人出現左。

係十幾個40、50LV既冒險者。
帶頭既係……冒險者介紹所條友？
咩回事？





「放低身上既錢啦，如果唔想上去見女神既話！」帶頭既人講。

「火燭……你？」弓手驚訝咁問。
「有咩好驚訝？」戰士喝番佢轉頭。
「你……點解要咁做？」

果兩個人既對話真係煩，大約就係咩你唔係D咁既人，你好善良架；另一個就話你識條鐵咩，咁樣升LV先快。
好煩，早知殺哂佢地算。

「總之，小蛛蛛、天照，你地交低你身上既錢，就走啦。我唔想對你唔客氣。」
你明明話過咁樣升LV先發，姐係會殺埋我地啦。

「喂，唔計得同你算添。呢個任係咩回事，點會有隻咁強既怪物出現？」戰士又屌介紹所條友。
係喎，呢個係40LV左右既任，隻大蜘蛛已經勁到唔正常，何況入面仲有隻龍級既外星怪物。

「我都唔知呀……不過依家無事就得啦。」介紹所條友伸一伸脷。

哦！簡單D黎講，介紹所識員同強盜結盟，放任務出去比冒險者，以後派D強盜去埋伏，劫財劫LV。
哼。
十幾個人又點？
蜘蛛結界。
全場束縛。

「咩話？點會咁架？係咩魔法黎？」

由一開始，佢地就無可能打贏我地。
佢地一出黎，就已經中左幻像魔法。
MP得番唔多，但係足以殺哂佢地有找。

「喂喂，小蛛蛛應該唔太擅長一次過同多數既人打，其他人就交比我，你就放心打王啦！」天照之後開範圍技。

「哦？其實你真係好可疑，你究竟係咩人？」介紹所識員問我。
我望住佢。

【光魔法使】 矮人-巴爾幹 法師 LV76

HP:7842
MP:8219

力量:776  敏捷:716
防禦:771  魔力:834

原來76LV法師。

「你地究竟係咩人？」
好煩呀！個個都咁問！
「唔答我，唔緊我，因為你地會葬身係到！」

問:敵人可以撐到幾多秒？