火球正面打中左我塊臉。
好痛痛痛,死唔去。
好彩班雜卒幫我落左減傷魔法,我先至死唔去。
但係都扣左萬幾血。
我實在太大意啦。
再比佢打中既話真係命都無。

我地係贏唔到火龍。
呢個係現實。
實在太強啦。



惡魔領主既MP都用得7788,然後由前線上面退番落黎。
偽魔王完全無用,佢就連擾亂火龍都做唔到。

「灼熱地獄」
火龍張開口,然後以佢為中心既一定範圍之內都變到勁熱。
大概只要有半點花火,呢到就會大爆炸。

暗影長槍!
長槍打中佢個頭。


無乜用。
火龍唔理,大概準備用唔知咩技能。
唔得!魔法反制!
點都唔可以比大爆炸發生。

火龍無視我,張開口。
呢招唔係魔法技能,我阻止唔到佢。

麻煩啦!



「烈焰吐息」

一瞬間,全場大爆炸。
高塔倒塌左落黎。
無數既瓦礫、碎片散滿一地。

咳。
好彩我體型細小,輕易可以係碎片之中爬出黎。
爬番出黎,所見到既係地獄。

昇起既黑煙,四圍都係火光,朦朧之中見到龍既身影係到咆哮。
我深刻咁明白到,呢個係實力上既差距。
頭先我地傾盡全力去打,但係對火龍黎講只係熱下身,佢可以輕易咁將坐場所有人秒殺。

惡魔領主仲未死,佢仲企出黎同條龍單挑。


大概用哂D珍貴道具先至可以勉強企到出黎,但係就算點努力都好,係龍既力量面前,都係無意義既。

龍爪一揮,惡魔領主即刻比佢打到去百米之外。

生命連動,我慢慢咁係龍身上面吸血。
每秒1000,我好快就回復到滿血。
所謂既滿血代表D咩?可唔可以硬食都佢一擊?

依家既我,就企左係龍既面前。
龍咩都無講,只係張開口。
我即刻疾跑,跑到去龍既身體下面。
跳上去佢個肚上面,蜘蛛毒牙。

一切都係無謂既掙扎。
條龍好快就甩左我落黎,然後用龍爪踩碎我。



突然之間,火龍王跌左落地。

【火焰之子】 烈焰龍帝-蠑螈 LV80

HP:147536
MP:178543

力量:6864  敏捷:5269
防禦:4165  魔力:5464

「爸爸。」
佢開口講。
蠑螈係天上面飛左落黎,將火龍王撞開。
「果然,已經救唔番?咦?你係……之前既蛛女?勇者呢?點解你會係魔王城?」



蠑螈企左出黎,同火龍王對峙。
仔打老豆?

「快D走啦,我唔知自己可以拖到幾耐。請你,盡快去搵奧丁同埋我個妹過黎。拜託你啦,蛛女。」
蠑螈講。

奧丁?之前果個神?唔係同外神打完之後下落不明咩?

火龍王噴火,打中蠑螈。
根本就無得打。
你唔可以用火屬性既技能,本身STATUS又差咁多。
只係我估唔到蠑螈佢十秒都唔夠就比火龍王打到重傷。
火龍王用條尾車埋去,將蠑螈打到企唔番起身。
天照天照聽唔聽到?


兩個神都失左蹤。
今次點收科。
已有 0 人追稿