<睇黎你有麻煩喎>

腦入面出現左把聲音。
邊個?
你係邊個?

火龍王再度發癲噴火,把周圍既所有野都燒成灰。
用毒黎殺佢既話,呢個係最有效既方法。
問題係,用毒殺死佢之前,我地會比佢地打死。





本來仲諗住蠑螈有少少用,點知幾下就輸左。
奧丁同天照失蹤。
姐係話,依家要靠我地既力量去打贏佢地。

咁樣落去,點樣去打外神?
四大元素龍王其中一隻居然被外神污染左,無疑對呢個世界黎講係一個沉重既打擊。
憑我一個人可唔可以阻止到佢?
無可能。
我R爆頭都諗唔到有咩方法可以打贏佢。





<原來係咁,被外神污染左。睇黎火龍都係不外如事姐。>

邊個?

【溫蒂妮的僕從】 水元素 LV80

HP:12497
MP:19175

力量:1247  敏捷:2018




防禦:907  魔力:4294

水元素?
睇起上黎,只係一隻懸空飄浮既水球。
唔止一隻,有十幾隻水元素出現左。
佢地同時對火龍王進行攻擊。

水元素每一隻既實力都比我弱,但係比魔王城既領主都要強。
而且,數量非常之多。

<宅係屋企咁耐,係時候都要出下手啦。蛛女。>

邊個?
水元素同時牽制住火龍王。
好有組織既四圍包抄火龍王,唔比火龍王一下清哂佢地。





之後,有塊殞石從天而降,打中左火龍王。
扣左幾萬血。
與其話係殞石,不如話係塊巨型既冰山,只係一擊就打到佢重傷。

火龍王受左重傷,之後開始變到小心翼翼。

<再黎一下!>

之後,又一塊冰山從天而降。
今次火龍王學精左,避開左。

<可惡呀!果然距離太遠,實在好難瞄準!>

發生緊……咩事?





<喂!蛛女!你都係轉生者?你幫幫手,我比枝法杖你,你幫我瞄準住佢,下一擊我就要收佢皮!>

然後,有隻水元素飛左埋黎,吐出左一枚法杖。

[海龍王的法杖,稀有度:S]

……
Errrr……
我一腳踢開左枝法杖。
你攞景定贈興呀!我無手拎囉!我只係隻蟲黎囉好唔好!!!
都話呢D乜柒裝備比我係無用!!!
玩野呀?!!!

<喂,搞乜呀你?叫你幫我瞄準住佢囉!>





屌!嬲!
我唔理佢。

火龍王受左重傷之後,自覺得不妙,然後撤退。

<呀呀呀呀!比佢走甩左啦!算啦,佢應該都有一段時間唔敢發癲啦~>

聲音同埋水元素消失左。
莫名奇妙。

然後,我發覺自己真係好弱。
雖然所有冒險者當中,無一個係勁得過我。
但係,計埋魔物既話,我只係非常之弱。
水元素。




海龍王既法杖。
果個人係,水龍王?

然後,又有一樣野值得人在意。
<喂!蛛女!你都係轉生者?你幫幫手,我比枝法杖你,你幫我瞄準住佢,下一擊我就要收佢皮!>
你都係轉生者?
你「都」係轉生者?