秒殺。

進完化未來諗住測試下自己既實力,點知居然係秒殺。
好似勁左少少。
不過,比人秒殺果個,係我。

完全唔夠佢打。
不概係龍呀……
完全比佢撳住黎打。



「我一早講過,你無選擇既權利。」
火龍妹講。

……
實力實在太懸殊,真係唔夠佢打。

身穿紅色斗蓬,成身紅色既佢走過黎,扶起我。
「行啦。」佢咁講。

去邊呀呀呀?


無啦啦出現打人,然後就捉走我!

「去搵海龍王。」佢講。

「海龍王?」

「無錯。呢個世界已經玩完,三大神得番天照可以自由活動,但係外神仲有好多個。我地依家要依靠海龍王既力量,佢同我老豆、地龍王、風龍王唔同,佢係呢個世界上面最接近神既存在,可以話佢係第4個神。」

「等等……唔係有三個神架咩?仲有個去左邊?」



「偷懶。」

「……」呢個世界執柒左佢把啦。

「單憑海龍王既力量係唔夠架。我地仲要靠你,你係呢個世界最特別既生物。」

「點解?」

「三個月之內,可以進化左呢個境界,你都算你第一個。」

「等等,轉生做魔物就好簡單做到啦!只不過係我出世既時候係一隻魔物,所以先咁勁姐。」

「你錯啦,係你之前,仲有其他轉生者轉生做魔物,但係佢地好快就死左。同人唔同,魔物既生命好脆弱,係好易死。係你之前,已經有三個轉生者轉生做魔物之後死左。」

「……」



「行啦,去見海龍王啦。」

「但係,咁,如果話你外神,咁果邊果隻哥布林咪得囉。」

「我既力量大不如前。保護世界既重任,就交比你啦。」哥布林講。

「等陣先!我完全唔明你地講緊乜!可唔可以解釋下!仲有,我都要一齊去!」掛骨插嘴。

都好,如果多個同學相伴既話,都唔差。
有乜事推佢出去做擋箭牌就得!
不過,要同外神打,呢樣真係……

「咩咩轉生者?究竟,呢個世界仲有幾多個轉生者?」排骨問。



「我都係聽奧丁講架咋。轉生者一共有十個,有四個已經死左。其他既野,我一概不知,就連佢地既身份我都唔知。」

姐係話,仲有六個。
唔計依家在場既三個,仲有三個係外面既世界到。
十個,同學。
六女四男,名我唔係太記得,本來就同佢地唔係好熟。

「我明白啦,行啦。」我說。

「吓?咩事呀!行啦?」排骨。

「無錯,轉頭我解釋比你聽,我地起行啦。」

「明白。」火龍妹講。



「你地出去先,我做埋D野先。」我說。

推哂佢地出去,我變番做蜘蛛女王型態。
一步一步行到去John面前。

「救……我……」John講。

哥布林領主幫偽魔王農牧細路升LV。
件事真係咁單純?
哥布林領主係前外神,雖然話佢背叛左外神姐,但係佢真係信得過?

「救……我……你……你係……邊個?求下你……救我……我仲唔想死係到……念在我地係一場同學……救我……」

「我係邊個?好問題。」



我將稱號換左。

「我係巨人領主,係魔王。」

「魔……王?」

「對唔住……魔王大人……我……我……」佢抱住我隻腳求救。

然後,轉生者淨餘人數得番五個。
已有 0 人追稿