無氣啦。
搞咁多野最尾都殺唔到佢。

「喂,你究竟係咩人,點解要一直追殺我?」宙斯問。
「……」
「你呀,岩岩自稱自己係外神?」
「……」
「外神究竟係咩黎?」

如果我無記錯,宙斯係1月既時候開始番唔到去RPG世界。




但係,宙斯知道外神係咩黎。
咁姐係話,外神係1月之前已經出現。

唔理點都好,盡量唔好將自己既情報透露比佢知。
依家我就算唔夠佢打,只要逃走就無問題。
泄露自己既情報,比起身上面傷仲痛。

「然後,你頭先係咪叫我Juicy?你係梁……」
「乞痴」





仆街。
比佢發明左我真實身份。

「點解,同一時間會出現兩個你?你做過D咩黎?你究竟係邊個?」宙斯望住地下,瞓起到,前世既我。

唔知點答佢好。

「你究竟係咩人?你究竟想點?點解要一而再,再而三咁黎襲擊我?」

講到我好似係個壞人咁。




細心一諗我好似真係個壞人,宙斯好似明明咩都無做過,但係比我追住黎打。
等等先!
我明明係主角囉!
邊有可能係壞人呀!
係呀,我係主角,我係正義既!

「閃電射擊」

哇!
好險呀!
偷襲?
好彩我反應快姐。

黑暗飛彈。
五粒黑暗波波飛埋去佢到,爆炸。





伏特攻擊?
宙斯成身爆哂閃電,極速過極速傳說咁衝過黎我到。
日字衝拳?
條友係咁用拳頭揍我!

好矛囉偷襲。
不過呢下靚。
打到我重傷,郁唔到。

血都嘔埋出黎。
呀呀,真係唔係幾夠打。

掉那媽,屌硬上。
唔撚理啦屌。




電又好,咩都好。
用治療魔法醫一醫自己,再衝過去。
黎啦,蜘蛛絲。
吊佢老母頸。

哈哈哈。
去到佢後面。
扯行條蜘蛛絲紋殺佢。
治療魔法醫自己,黎啦,電我吖笨。

「落雷」

橫越界限限限限限限限限限限!
一身充滿電鰻鰻鰻鰻鰻鰻鰻鰻鰻鰻鰻鰻鰻鰻!!!!!!





呀呀呀呀呀!!
我見到好多心魔呀呀呀呀!!!
好電呀3弋它322!2
好痺呀5各各各5呀呀呀呀呀
用盡治療魔法解輕輕輕輕痛痛痛楚楚楚楚!!
死都唔放手手手手呀呀呀呀呀呀呀!
斷氣未呀呀呀呀賤人人人人人人!!!!!

啊。
比佢電一電,突然間醒起一樣野。
我計漏左一樣野。
7月13放榜果日,肥豪(宙斯)都係到。
好似話係,果日宙斯遇到攻擊,所以所有人都死哂,轉生去RPG世界。
姐係話,依家唔殺得佢?





呀呀呀呀呀!!
放手,放開所有。

無端白事中左咁多電。
電到暈下暈下咁。
唉。
屌。
麻撚哂,唔撚驚。

走先,原來計錯數。
一定要7月13果日先殺佢,唔係既話,會整到時間大亂。