唔係掛！原來真係有鬼！－現代捉鬼故事: 第九章 - Showtime - 13

由鐵閘向前行幾步即到達了一個相信是接駁巴士專用的停車場，
旁邊亦有幾個指示牌提示訪客候車位置。
停車場的對面有一個以淡黃色為主調的空間，而該空間正是訪客專用的入口，電梯大堂。
電梯大堂呈長方形，當訪客踏入大堂的一刻就會自然看到一塊巨形的告示板。
告示板上分為很多細小的長方格，不同的方格表示出每一間靈堂當日擺方的先人名稱。
大堂左邊有個警衝亭，而右邊則是三部升降機，左邊兩部被標記為客用，
而最右一部，升降機門的大小都比另外兩部大，上面亦標記為貨用。
我諗我明白呢度提到嘅 『貨』係乜野意思。

我按了一下升降機大堂控制版上的按鈕，電梯亦慢慢由3樓下降。




師傅企左喺大型告示版前面，細心查看。
告示版最面的一層就如一般補習社的白板，有著平滑的表面，
方便工作人員書寫及修改告示版上的人名。

但眼前嘅告示版上，除了本身板上已經印好的文字外，
只有一堆白色的凌亂符號，而符號出現的區域，全部都是位於三樓的靈堂。

「點睇呀？」師傅知道我企喺佢身後，問。

「成堆鬼畫符都寫曬喺三樓呢個Area，會唔會喺三樓呢？」我認真地回答





師傅望望我，見到我認真嘅表情，
認唔住笑起上黎。

「咁難諗都比你諗到，真係不得了。」師傅邊講邊笑。

「叮。」電梯嘅提示聲話比在場嘅大家知道，
我地夠鐘上路...係上樓先真。

我地三人行入升降機。升降機比一般舊式升降機都要細，




一般舊式升降機最少都可以容下七到八人，而這架升降機我想信最多只可以容得下5~6人。
而就算只有我們三人在升降機內 ，我仍感覺到升降機中的壓迫感。
理應有充足的空間，但現在我所感受到的，就如升降機入面早就有另一班搭客在內，
壓迫感令我連呼吸有困難。

我下意識試著用口加強呼吸的力度，空氣之中彷彿散發住陣陣血腥味。
「嗄...嗄...嗄...」
深呼吸的聲音響遍整架升降機，因為正在深呼吸的，
除了我，還有Jessie。
Jessie 把身體挨靠著升解機的牆壁，面色比剛剛在車上時更蒼白。
師傅站於我兩之前，似乎未有在意我們的情況。

「呢個order 係話，有班人入面其中一個靈堂，儀式開始時靈堂大門閂左，之後就開唔番，入面嘅人就一個都聯絡唔到。
靈堂門上面理應係冇任何鎖，所以呢度負責人就call左我地。
我地要做既野好簡單；一，開番度門；二，放番D人出黎；三，送埋個唔守規矩嘅朋友上路。」師傅襯部老爺升降機由地下升上三樓嘅少少時間同我地說明番今日嘅情況。





「.........」

「比下反應丫你兩個？」師傅點頭一望，見到我同Jessie 嘅「慘況」。
「阿俊就話唔慣啫，你都係咁？」師傅對面無血色嘅Jessie說。

「你收聲啦八公，一陣我搞掂，你兩個坐埋一二邊。」Jessie 用盡力氣回答師傅嘅挑釁。

「好呀，一陣睇你表演。」

「三樓，Third floor.」一把冷冷的女人聲音在我們身後響起。
升降機門亦緩緩打開。

我們三人步出升降機。升降機外只有一道一直轉右的長長弧形走廊，
而左面則是一道厚重的防煙。轉右不遠之處有一個類似詢問處的地方，




詢問處檯上放著一盒開著的檸檬茶，但未見到有任何人影。

「啪，啪，啪。」

隱約之間，我聽到幾下拍打木門的聲音。我們三人隨著聲音的來源，慢慢移動。
走廊連接住一間又一間的靈堂。
每個靈堂之中都放著一個空白的相框，坐椅亦排得整整齊齊。
未使用靈堂入面的燈全數關掉，在外邊望進去，總是有種隨時會有鬼怪從最黑最暗的地方撲出來的不安感覺。

孤形的走廊令我們不能望到下一個靈堂門外發生的情況，
在設計上，這是種對先人的尊重，對其他人的一份私隱；
但在這一刻，從為我帶來一種來自未知情況的不安。

冷汗一點一點的從額角流下。在安靜的走廊中，彷彿聽得到自己的心跳聲音。





「撲卜、撲卜。」

每聽到一下自己的心跳聲，就令自己精神更加緊張、
每聽到一下心跳聲，又如為心臟打了一劇加速的藥劑。
整個氣氛就好似想將我迫到死角，甚至想將我迫到由走廊旁邊的玻璃幕牆跳出去。

我望向一個一個由正方形玻璃窗組成的幕牆，一步一步的走向我唯一的解脫。
每走近玻璃幕牆一步，我就感覺到心臟的負擔慢慢減低，
每走近一步，我就感覺到身體的負擔、疲累慢慢消散。