唔係掛！原來真係有鬼！－現代捉鬼故事: 第三章－不平凡的開始－11

估唔到咁快我可以見番我阿媽...
前前後後都冇三個月。
我最唔捨得既係我老豆，阿媽走左冇耐又到我走。

六千蚊學費，算啦，反正錢都帶唔走。
我最遺憾既，應該係我只能帶住我處子之身去天國，
早知聽高登仔講，一日一丁，又或者學隔離Department 咸強咁返大陸。
希望上到天堂，我個光環唔係青色架啦，
如果唔係真係比人笑到面都青埋。





 原來死之前，所有野都會變到好慢，
慢到可以一兩秒之間比我諗到咁多野。

好喇，我都係合埋眼喇，我見到血會暈。
最起碼，最後一刻我要型一次。

我張開手迎接高速撲向我既私家車。

紅色車都好既，你一陣唔駛洗得咁辛苦。






突然左手手腕感受到一隻凍冰冰既手捉住左我。
黑白無常都黎埋，我今次真係死得喇。

唔知黑無常定白無常好大力咁扯左我一下，
身體不受控制咁向左邊仆前左幾步。

我唔敢打開眼，因為我未準備好目睹黑白無常係乜樣。
之前見到既朋友都係個影，希望一陣見面我唔會嚇左一跳啦，
人類既極醜惡你串佢，佢都會捉你去後巷 『抖』你一鑊，




我真係唔敢想像一陣我見到黑白無常，比佢地見到我面上面一個驚樣，
佢地會點對付我。