《香港唔係追夢既地方》: Episode 34
Episode 34
我懷住好複雜既心情踏上舞台，雖然已經同自己講，唔好咁緊張、唔好諗其他野，專心比賽，遲下再解決其他野。
但係我根本冷靜唔到，我個腦只係可以諗點樣同 Jamie 解釋，又點樣解決同 Sherry 之間既糾纏⋯⋯
（同 Jamie 講張相係假既？一切都係 Gareth 陷害我既？）
（定係坦白認左佢⋯⋯不過佢都一定唔會原諒我⋯⋯）
（佢係體諒我既話，就唔會係我比賽前一刻先撩交嘈喇，佢都唔重視我既根本！）
（但我地一嘈，咪中左 Gareth 既圈套囉⋯⋯）
我個心有萬樣既思緒飛舞，我知道我今日既表現一定係「好極⋯⋯有限」！
結果不出我所料，我甩曬拍子，又唔記得歌詞⋯⋯
反之，Gareth 既表現實在令人眼前一亮，唔單止唱得好聽、有感情，仲聽得好令人陶醉，完全融入佢既世界一樣。
全場聽完佢既表演之後都拍爛手掌。
-
「好多謝咁多位幫過我⋯⋯支持我既人，我今日之所以可以企係呢到同大家講呢番說話，絕對唔係淨係因為我個人既努力！」Gareth 宣讀緊佢既得獎宣言。佢講得越激動，我就越唔舒服⋯⋯
睇住各方好友安慰我既訊息，我覺得好煩⋯⋯我完全唔想見到佢地任何一個人。
【唔緊要喇我覺得你唱得好好喎！】係 Kate。
【出來食飯喇Bro！】係 Aaron。
【下次畀心機呀，你得架！】Renee。
【有解釋未？】Jamie⋯⋯
係 What's app到講無用，於是我直接約左佢出來講。
走既時候，我見到昔日無人問津既 Gareth 而家有前呼後擁既人跟住，就連 Lydia 都企左係 Gareth 身邊。
有種⋯⋯大勢已去既感覺，令我好難受。
-
我約左 Jamie 係上次個公園到傾計，我知道呢件事點都要有個完結。
「你聽我講⋯⋯個日我地咩事都無發生過⋯⋯」我嘗試同 Jamie 解釋。
「無發生過？無發生過咁你點解要呃我話練習，其實係帶佢返屋企攬攬錫錫？你同佢無搞野？」Jamie 質問我。
「我真係無！我發誓！我同佢絕對無搞野。」我舉起三隻手指發誓。
「你冷靜咁諗下，點解個個 Gareth 要臨尾一刻先畀張相你睇？佢就係想利用你擾亂我，而家佢得逞喇，佢贏左比賽喇。」我同 Jamie 講。
「咁你點解要攬住佢？」Jamie 似乎無視我個句。
「佢話佢唔開心，所以咪⋯⋯」
「所以你安慰佢？然後攬住佢？」
「係，就係咁簡單。」
「點解你要呃我話返去練歌？你一開始就存心呃我⋯⋯」
「我係驚你誤會咋，你知你架喇⋯⋯」
「我點呀？係咪想話我小氣？」Jamie 開始上火。
「我唔係咁既意思⋯⋯」
「我點可以忍受人地對我男朋友攬攬錫錫，而個男朋友竟然選擇去呃我呀？係呀，我係咁小氣架喇，係咪好難頂呀？」Jamie 繼續講，我都開始有少少嬲⋯⋯
「你唔好咁無理取鬧得唔得？你聽下人講野好無？」我忍唔住同 Jamie 講。
「咁都叫無理取鬧？有相為證架！」
「你搞到我輸左個比賽喇！」我好大聲咁喝出來，嚇親佢。呢次係我第一次用咁惡既語氣對佢，就好似將我一直積落來既怨氣，爆發出來咁。係 Agnes、Gareth 既逼害，Lydia 既壓逼，Morris 既挑釁⋯⋯好多好多野積埋一齊，最終係今日一次過爆發。
「點解你唔可以衡量下輕重？點解你係都要係我人生最重要既時候搞咁多野？點解你要阻住我追尋自己既夢想呀？無喇！而家咩都無曬喇！你安樂喇！」我一下子爆出來，因為我真係覺得自己既輸，Jamie 都要負上好大責任。
「你呃我呀！你瞞住我，同個個 Sherry 卿卿我我呀！」Jamie 忍住眼淚鬧返我。
「你呃我都要搵佢呀！點解呀！點解呀！點解點解呀！」Jamie 好嬲咁打我，一路鬧我。
「夠喇！」我真係嬲到極點，我個腦諗住 Gareth 害完我然後輕鬆贏個樣，我就好嬲⋯⋯
「因為佢好過你呀！佢善解人意過你呀！」我衝口而出講左呢句說話，Jamie 即刻成個人呆左。
佢望住我，無再出聲。佢個雙難以置信既眼神，叫醒左我。
「我⋯⋯」我好後悔，我唔應講出咁既說話，有好多野一講左出去，就收唔返⋯⋯
「我唔係咁既意思⋯⋯我⋯⋯」
「我明白喇。」Jamie 放低左佢雙手，然後雙眼既神彩都消失左。
我從來未見過佢呢種⋯⋯放棄既眼神。
「Jamie⋯⋯我⋯⋯」
「我真係傻⋯⋯以為自己可以同你一生一世，原來⋯⋯唔係⋯⋯」Jamie 忽然好慢咁講。
唔好⋯⋯唔好講個兩個字⋯⋯
「Jamie 唔好⋯⋯」
「好多謝你忍左我咁耐，我明白你最終揀既係邊一個⋯⋯」
「一直以來我都無出聲，但我一直都知道，你心入面仲好在意呢個 Sherry。你出街聽到 Sherry 呢個英文名，你會即刻擰轉頭。你好中意聽《耿耿於懷》、《念念不忘》，都係因為你覺得首歌好似講緊你咁⋯⋯」
「你係《羅生門》既麥浚龍，Sherry 係謝安琪，而我只可以係《瑕疵》入面既莫文蔚⋯⋯好喇，真係完喇⋯⋯」Jamie 苦笑左一下。
佢轉身走，我一手想拉住佢，但佢更用力咁甩開左我。
「你搵你既 Sherry，以後唔好再搵我。」佢好決絕，然後就離開左公園。
我成個人跪左係地下，係一日之內，我失去左事業、夢想同愛情。
呢一下，我真係跌倒，而且仲跌得好痛。
-
跪左唔知幾耐，跪到我腳都痹，我都唔願起身，因為我起身之後根本唔知道我可以去邊到。
世界之大，竟然好似想搵一個由得我發洩既地方都無。
忽然，有一個人扶起我。
「搵左你好耐，原來你係呢到。」
我抬頭望一望佢，原來係 Sherry。
「我手機搵極你都搵唔到，我好擔心你會有事，我知道你比賽失敗，驚你有事，所以⋯⋯」Sherry 望一望我，然後唔再講落去。
「算喇，都過左去，唔好跪係到喇，呢到污糟，我陪你返去先。」Sherry 用力拉起我，我因為腳痹一時無力，差少少壓住佢，好彩佢及時借一借隔離石凳既力，先無比我壓親佢。
「你好重呀！你又唔知自己大大件，仲壓落來⋯⋯企返起身呀！要靠你自己，企返起身！」Sherry 同我講。
我按住石凳，撐起身⋯⋯原來要重新企返起身，真係唔容易。
「我知係會辛苦少少，但我會陪住你架，我同你一齊行返去。」Sherry 望住我好溫柔咁講，我點點頭，就同佢靠住咁行返去。
但我心入面，諗住既仍然係 Jamie。
對，確實有一場干戈。
再，也沒法倒如當初。
其實倆心，清楚。
如像摧毀溫室的猛火。
抱，抱著看星塵散落。
太，太快樂卻無視身邊野火。
來襲冷風吹晃，
還後悔，花火燒光沒撲火。
再抱擁多次，
再挽手多次，
再可不可以回到輕吻嘴邊相約點，
描畫彼此心動景緻，
風箏會旋轉，飄往同偕牽手的那年，
豈可斷線？
-
返到去房，我坐左係床，Sherry 就走來走去幫我執野斟水。
但我好想，好想眼前呢個女仔係 Jamie⋯⋯
我眼前既 Sherry 忽然好似變成 Jamie 一樣，時間好似返去前幾日 Jamie 仲係我身邊既時候咁⋯⋯
「飲啖水先。」Sherry 遞杯水畀我。
那，那合照歡愉對望。
這，這夕照迷倒海港。
曾為你寫的歌，
如未了，約定一生一世還在播⋯⋯
有時候我地好多時都分唔清現實同幻想，但分清現實同幻想真係咁重要咩？有時⋯⋯活係幻象入面唔係仲開心咩？
我捉住 Sherry 隻手，放低水杯，將 Sherry 慢慢拉近我。
我地塊面近到已經可以感受對方既一呼一吸。我伸手慢慢摸佢條腰，然後伸入衫裡面⋯⋯
Sherry 慢慢合埋眼，然後向前一傾，我地終於嘴對嘴。我伸手一路摸上去，直到摸到兩團軟綿綿既雙峰。另一手環抱住佢，由背部摸上去，解去佢既胸圍。
佢開始騎住我，我已經唔記得自己雙腳既痛楚，佢解開我既皮帶，拉開我既四角褲，一條站立既昂然大物已經露左出來。
而 Sherry 既小內褲都已經畀我拉左落來，濕潤既小洞對住我既個到。
我合上眼，挺腰一入。
-
再抱擁多次，
再挽手多次，
再可不可以回到輕吻嘴邊相約點，
遺憾歲月總停不了，
多一秒留戀，
差一秒歷史改寫意義，
回憶的刺，
想念痛多一次，
只求不相見⋯⋯
未完待續