落左車之後,距離佢屋企仲有一段隔離。 

即刻轉車去佢屋企。 

等左10分鐘都無車,10分鐘呀大佬=x-large!!!=16px 

每一秒都係煎熬,幾時即刻有車黎。 

為左佢,我唔介意花多少少錢。 





於是就叫左架的士。 

我去到目的地既時候,佢已經好乖咁係樓下等緊我。 

佢著得果一件衫,仲要好薄。 

「做咩唔著多件衫呀?」我好奇咁問佢,真係唔知佢搞咩? 

「著咁多衫做咩?一陣都上返去啦。」佢傻下傻下咁,完全唔似之前既佢。 





女人真係應該聰明既時候就蠢,應該蠢既時候就好聰明。 

真係激lun死我。 

我摸一摸佢個頭。哇!熱到乜咁。 

我將自己身上面件冷衫嬲落佢度,佢仲一臉愕然。 

「快啦,帶你去睇醫生呀!」我好man咁講。 





呢十幾年,第一次覺得自己似返個男人。 

佢既表情由=16px ->=16px ->=16px ->=16px ->=16px ->=16px 

睇到佢既表情真係滿足曬。 =16px睇住康僑一臉倦容咁撓住我隻手,就覺得前兩日既事令我好內疚。 

佢真係好似小朋友咁,單純。 

咁樣都可以原諒我,包容我呢啲脾氣。 

我憐惜咁摸一摸佢個頭,由憐生痛。 

「對唔住呀。」我情不自禁咁講左呢句野。 

一路行,佢就一路撓住我隻手借力。 





「咩事呀?」由佢蒼白既口唇講出黎,感覺得出佢既軟弱無力。 

「我係為我之前既事道歉,對唔住。」 

其實男人,何必為左自己既面子,講句對唔住都唔肯。 

講句對唔住好難咩? 

失去自己所愛既人唔痛苦咩? 

我為左唔想失去康僑,我願意係佢面前放低自己既面子。 

「我唔應該dum低你,係我唔好。」 





當一個男人願意為你放下面子。 

代表佢唔想失去你。 

代表佢好愛你。 

正如我一樣。 =16px我感覺到佢係我手臂搖一搖頭。 

「唔係你既錯,我自己都有唔岩。」佢頓左一頓。 

繼續講落去,「你走左之後,我自己有反省過,身為你女朋友,竟然無去忌諱呢啲野,你呷醋都正常。」 

「我以為我地之間夠信任,你信我唔會同佢有野,但最後都搞成咁。」 

佢講完,我都墮入思考既漩渦入面。 





半响過後先識得回應。 

「你講得無錯,我地的確係有足夠既信任,我真係相信你同方子龍係會無野,但你明唔明呀,」 

「即使我幾信任你,但見到你同其他男仔咁親密既同時,我都會介意。」

佢聽完,好似有所領悟咁,甜甜咁錫左我面豬登一啖。 

「講唔過你添。」佢伸一伸舌頭。 

係得意死

我地慢慢咁行去醫院,一路上我地都無出到聲。 





但感覺到既係彼此既默契又增長左一點點。 =16px係等候期間,佢係我膊頭訓著左。

我拎起部手機,拍左一張我地第一張合照。

相入面既我懵下懵下咁,似一朵鮮花插左係牛糞上。

但我好珍惜呢一張相,我想同佢影好多好多相。

其實岩岩影相我都好小心翼翼,驚小小動作都嘈醒佢。

影完之後,我成個身都殭硬左,唔敢郁。

佢訓到流曬口水,睇黎係我膊頭都訓得幾舒服喎。

我將我地既第一張合照放左上ig,個ig無咩人follow,得幾十人,但我follow既人有百幾二百,毒向左走向右走係咁嫁啦。

我po過幾張相,都無咩人like,我又無咩所謂,習慣左一個,但康僑就有成800幾個人follow,求其po一張就過百like,真係差好遠。

「阮康僑請到4號房。」廣播叫到我地。

我輕輕拍一拍康僑個膊頭,佢醒左。

「咩事呀?」佢捽一捽隻眼。

我成個膊頭都係佢?口水,不過無咩所謂啦,錫錫都會有佢?口水啦。

「叫到你啦,快D去睇醫生啦。」講完我輕輕咁錫左佢塊面一啖。

佢笑左一笑,就行過去。

「4號房呀,知唔知?」我係後面叫住佢。

「你唔同我入去咩?」佢問我。

下?我無諗過喔,拿拿林執好D野陪佢入去。 =16px睇完醫生之後,我帶住康僑去附近既粥店度食野。 

醫生話佢無咩事,因為感冒所以發燒姐,休息下就無事。 

康僑佢靜靜咁食緊佢既粥,白粥一碗黎嫁炸。 

我都唔敢俾其他野佢食,病要戒口呀。 

我自己就食我最鐘意既皮蛋瘦。 

食食下,我突然見到康僑停曬手,隻手已經拎起左個匙羹,匙羹入面係有粥,但停曬手。 

「做咩事呀?個碗有烏糟野咩?」 

佢輕輕咁搖一搖頭,伴隨既係兩行眼淚流左落黎。 

我當時呆左,我第一次見女仔喊,唔知點做好。 

「咩事呀?做咩事喊呀?」我好慌張咁去搵紙巾。 

Hi,失策!用曬D紙巾。好死唔死依家先用曬。 

咁無辨法啦,我深呼吸。 

我托一托康僑個頭,幫佢拭眼淚。