羽夜（完）: 44
想不到一覺醒來便風雲變色，這一夜，到底發生了什麼事……
「我地喺九江街後巷發現左郭萬軍及六名男子……」「警方初步懷疑係有計劃仇殺……」「死者身中多槍……」「碧壐集團股價急挫百分之二十……」……
我實在不敢相信一夜間，發生了這件悲劇，他是我岳父……昨夜送靖琳回家，忽然下雨。我渾身濕透，她便請我到她家更衣。我第一次向她要求留下，但她只有一張床。我本來睡她房內的沙發，不知為何醒來就躺在她身邊……我看到新聞，立刻致電雯宣，但通了沒人接聽。
「點呀？打唔打得通呀？」靖琳邊吃著早餐邊著急著。
「冇呀……」我不斷「奪命追魂call」，心裡很擔心雯宣。靖琳卻很鎮定。
「豹女，同佢搵郭雯宣。搵到即刻call我。」我致電豹女和博士。「博士，幫我洗盡人情牌，要錢都冇問題，我要知邊個買起郭……」「唔好查！……」靖琳很突然地打斷我。
「最新消息，兩名懷疑槍手今晨落網，警方指兩人為有背景人士……」……「冇可能！」我立刻拍桌。「比人用錢收買米有可能囉……」宋靖琳仿佛知道內情。「郭萬軍同雯宣根本冇仇口……」我打岔，她再說:「條屍都喺正你地頭後巷咯，你話呢？」我呆了一會:「郭uncle同雯宣都係無辜架……」
「點解要甘做？」我連來龍去脈也猜不到。
「郭雯宣身邊有個追求者叫楊子傑，你知架啦。佢一直都好想趕你離開郭雯宣，又留意到郭萬軍唔妥你同雯宣一齊，於是你地見完面就搵殺手埋伏，買起佢屈你。佢喺黑市出價一億。仲有，佢洗左六百萬買起兩個羽夜四九仔自首。」她淡然地說。
「楊子傑條_ _ _ _ _ 我_ _ _ _……」我差點兒想反枱，卻忽然有點不理解她為何會知內情:「米住先！連郭雯宣你都起？你想點啊？」
「拿，楊子傑就同佢老竇一擔擔既，成家得楊子君一個不食人間煙火。至於郭雯宣，你地一開始唔係估到架咩？」她鬆容不迫地吃，我卻急如熱煱蟻，忽然恍然大悟:「你真係佢家姐？……但，你依家死老竇喎？……」
「我得上官仁傑一個阿爸。至於雯宣，佢係無辜既，而且點都叫係我阿妹。」她冷冷地回應。她不說，我也不問他的家事。「所以你唔係幫我，你只係幫佢？」我覺得自己知了很久卻沒接受事實，冷笑了兩下。
「依家你仲幫唔幫？佢實覺得係我買起佢老竇……」我與她對望。她好似有些心神晃拂，「我……未知可以點。」她竟如此一說。
電話响起。「希少，郭雯宣喺廣華殮房……」我立刻走出去乘的士去。
我一到場，便看到雯宣哭崩坐地，身邊有數名親友。意想不到的驚喜，是楊子傑。「雯宣！」我走向她。「你呢個殺人兇手，你仲黎搵雯宣？」楊子傑此言，我怒不可遏:「你_ _ _ _ _ 你先係殺人兇手！你唔抵得我同雯宣一齊就隊冧世伯屈我！雯宣，郭uncle明明就係有計傾。」「我堂堂正當商人，殺人果兩個擺明係你黑社會既人！你見完世伯，佢唔比你地一齊，你就隊冧佢……」「你唔妥我唔緊要，但甘樣叫愛雯宣咩？你甘係自私！你甘係令佢傷心……」
「夠喇！」雯宣頓時喊話，「我想靜下……你地出去。」我和楊子傑沉默地對峙著。「走啊！」雯宣崩潰地喊叫。
我們等人也走出殮房。「你冇資格同郭雯宣一齊！」我指著他。他奸笑著，忽然楊領豪和幾位保鏢走向我們，推了楊子傑一下，摑了他一巴:「同希少道歉！」「你冇野啊嘛……」啪！他再狠狠送他勾拳:「同希少道歉！」「但係我只係……」啪！我心裡暗爽，哪怕是場秀。「阿爸！……」啪！楊子傑口鼻也出血，睨著我說:「對唔住。」
「我唔希望我乞衣仔貪玩，壞左我地既大事。」楊領豪對我說。我真的很想殺了他兩父子，他這種也做出來，還奢望一句道歉可以了事？那個是雯宣最親的人！你知我有多心痛有多心酸有多生氣？佢根本唔係人黎架！佢根本只係自私，又或者想吞埋碧壐。雯宣可能以後也不理我，她往後的生活可以如何過……
「get out of her sight!」我嘗試平靜自己:「以後唔準响郭雯宣面前出現！雯宣少左半條毛我都唔會放過你……」我握緊拳頭，一拳打在牆上:「呀……」。牆壁出現裂紋和凹陷了些，拳上是痛苦的鮮血，眼角是心酸的淚光。
「我地走先。」楊老闆一手抽走他兒子的衣領。
偷偷看著殮房內跪地痛哭流涕的她，很想上前給予擁抱安慰，我卻什麼也做不了。一會兒後，雯宣帶著憔悴和愁容走出殮房。一步，一步。很無奈。很無助。「無論發生咩事，我都會响妳身邊……」我說著，她目光無神，一步，一步，掉落淚珠。我緊隨雯宣，因為我很怕她干傻事。
她要獨力撐起公司和外界的閒言，又要打理父親的身後事，必然心力交悴。「邢羽希，你比我冷靜下好冇啊？」她忽然發我脾氣。「妳係我女人，有咩事，唔系應該一齊擔咩？」我有點有氣無力。「我都唔知我仲有冇氣力做你既女人……」她有點悔氣。「雯宣，你識左我甘耐，你唔會唔知我根本唔係果種人！」我極力澄清。「但你一定唔會冇仇家囉……」她哭了。
「如果你真係因為同我一齊而攰，甘我明喇……」我苦笑，掉下一行淚痕。她以淚洗臉，我心很痛。她擦過我便想離開。「我最後一句……」我開口，她停了腳步，「郭萬軍係個好爸爸。佢唔接受，但佢會去理解……」雯宣再次痛哭，「佢琴晚先約我同妳去佢度食飯……」我強忍淚水，「對唔住呀……節哀順變……」她拔腿就跑走了。
正好雯宣一走，宋靖琳便到了。「你ok呀嘛？」她問我。我掏出一支煙，甫出醫院便點火抽了一大口。「我要買起楊子傑。」我毫不猶疑地說。
「我有辦法對付埋佢。」宋靖琳搶了我口煙，抽了一口，很不習慣地呼出。
「我依家就要用佢既血黎祭我岳父……」我正要撥號，她立刻打岔：「佢死得甘輕鬆米益左佢？你可唔可以唔好甘衝動？」
「我淨係知，呢個世界，有一種人，淨係可以用我自己既方法去搞掂佢地！我做乜下下要冒險呀？有好多好人之所以做唔到好人，係因為佢地連三餐都未解決到呀！我可以比飯佢地食，又可以搞掂晒d_ _ _ ……」我很激動，她也很激動地打岔：「枉你係高材生，你可唔可以智取，而唔係下下自己出手呀？我依家唔係buy法律，但我識點生存。我知咩地方有死刑有酷刑有無期徒刑，就用自己方法自己做執法者。你會横屍街頭但我未必會。我仲可以留番條命去對付下一個衰人你明唔明呀？」我並非不為所動的。
「我唔會否認，佢兩個都係守規則守法律既好人，亦都係呢個世界上最手無寸鐵既弱者。佢地唔主動反抗，就應該由我地出手保護佢地。識智取識抽身，你先有能力保護更多人。」她繼續：「如果你唔係個非一般既黑社會，我未必會sai甘多時間去同你講道理。因為我相信，你都係個為世所迫既好衰人。」
我歎了一口氣：「一個賊同一個老黑論道理……喺一個小市民眼中係幾甘難理解……」我冷笑了一下，再說：「但我尚且可以聽住你講野先～」我手插褲袋就走。
「你去邊呀？」她趕上來，仿佛怕我會當眾動手似的。
「去隊酒呀。我想醉……」