[找數][外傳]「空白的五年」: 歸來

一步一步咁陪佢經歷返以前既事，係我而家可以唯一做既事。

但我真係唔知果五年我可以點幫佢記番起。

不過拋開果五年黎講，咁樣陪佢經歷返六年前既事都幾有趣。

再一次同佢表白，感覺都係同上次一樣。

我對佢既感覺都無變過。

而家再一次同佢表白我先覺得句野好奇怪，點解當初會咁同佢講架呢哈哈。

唉…唔通我真係要同佢從頭黎過..？

我唔係話怕麻煩又或者嫌D乜吖…只係…

只係我覺得咁樣好可惜。

同佢一齊有過咁多開心搞笑同埋感動既時刻，但而家得番我一個記得…

一諗到咁我就忍唔住想喊。

「所以，返黎啦，好唔好？」

我忍唔住講左出口，我真係好自私。

為左等我自己好過D，我決定鍚佢。

呢一個kiss，好矛盾，明明我係想幫佢記番起D野同令自己好過D，但記起往事既人居然係我。

一個又一個以前既甜蜜畫面係kiss果陣浮哂出黎，搞到我愈來愈傷心。

不知不覺間，我捉得佢好實，我意識到可能會整痛佢，所以我馬上鬆手，仲退後左兩步。

咦..？

佢突然向前行左兩步，重新縮短我同佢既距離，仲攬住我。

發生咩事..？

我個腦而家一片空白。

「對唔住啊，要你擔心，我返黎啦，我邊度都唔會去架啦，以後都會係你身邊。」

我聽到一半已經忍唔住流眼淚，仲忍唔住緊緊咁攬住佢。

我：「衰人…肯返黎啦咩？」

終於記得返我嗱..？

lulu：「返去啦我地，呢度好熱。

」

我：「嗯，等我去洗手間換返件衫先。」

lulu：「唔洗換啦，咁咪幾好，純情學生妹look。

」

我：「喂！

」

咁樣既語氣，佢真係返左黎啦，六年前一直係我身邊既魯路修。

我扮嬲咁擰轉身，開始離開公園。

其實我擰轉身係為左唔比佢見到我笑個樣。

我而家實在太開心，感覺仲有少少夢幻。

一個kiss，再黎一次表白就已經可以叫返醒佢，太抵了，抵到好似有少少兒戲添。

定抑或佢只係扮野？扮記得氹我開心？

你知啦，佢成日都係咁，為左人地開心，可以犧牲自己。

死啦我又開始亂諗野。