我仲好記得自己同呀妤第一次見面嘅時候,佢仲未梳齊陰嘅髮型,但依然比人一種好天真活潑嘅感覺,同班上嘅同學都好倾得埋
 
「真係人見人愛」小k黯然甘講左一句話
 
個陣時我都仲係坐係角落坐睇小說嘅書呆子,身邊基本上只係得小k一個交心嘅朋友...基本上都只係想過平淡日子
 
直到第一次調位嘅時候,你就不知不覺間走進了我嘅世界
 
「你睇緊咩書呀?」
 




「你除左睇書之外仲會做咩架?」
 
「吾悶嘅咩你...」
 
「陪下我吹水啦不如~」
 
如是者佢就日日都係我身邊甘煩擾着我,而我亦開始漸漸甘被佢感染左,變得比以前更加主動...
 
「良生!」阿妤佢以前好中意抬住頭望着我
 




「做咩事呀?」那時我已經中二,相比係以前已經成個人吾同哂,如果話性格變左,可以話係諗法同睇法都吾同左
 
佢慢慢靠近我並躺在我嘅右肩上「你同以前相比真係變左好多~」
 
我依然專注係眼前嘅小說當中「嗯…拜某人所賜囉」
 
「係啦係啦~早就一開始就吾理你啦」
 
然後我揭去下一頁繼續睇書沒有理會佢,當時嘅班房真係非常嘈吵,但阿妤佢竟然沉默起來...而我自己亦心中有數...
 




我把書合上並抬頭望着窗外嘅景色,lunch時份總是有好多學生穿住校服踢波出一身汗,跟著我亦沉默起來...
 
「阿妤...」
 
「嗯…」她依然躺在我嘅右肩度,手中仍轉動着當時好流行嘅轉轉筆
 
如果你以為我會講一大堆情有獨鍾嘅對白,甘你就錯啦...對我黎講,只要係適合嘅話自然會走埋一齊,愛情本來就吾係靠花言巧語黎維繫嘅野...
 
而我亦吾知幾時開始已經察覺到自己對阿妤嘅感情..
 
可是,只係一直缺乏左一份勇氣去嘗試
 
但依家....我決定要講比佢知道,自己嘅呢一份感情
 
「我想未來嘅每一日都有你出席係我身邊」




 
當我講完呢一句話嘅時候,阿妤佢依然保持沉默,不過佢隻左手已經拖住左我隻右手,係側面睄到佢仲係度偷笑
 
阿妤突然間好用力甘拖實我「良生你真係好遲鈍!你知吾知我等左幾耐!」
 
然後佢便係我耳邊講左一句「係咪真係吾後悔?你知道我....」
 
「比起日後先黎後悔,我更想同你係現在創造更多回憶...」
 
或者呢一刻其他人根本吾會明我地講咩,但我同阿妤就係甘樣,係一個所有人都以為平淡嘅日子裡一齊左...直到個一日...我先知道,原來自己一直都吾了解阿妤...
 
當我醒返嘅時候已經係天光,我吾單只感覺全身創鉅痛深般嘅痛楚...簡直係有苦自己知,但我依然動彈不得...
 
「你醒返啦...」小k正坐係身邊幫我換掉包新嘅血包,然後再慢慢扶我起身
 




我半身都已經包晒繃帶,而且感覺傷口好似會再裂開一樣甘「好痛...甘都仲未死,我真係命硬...咳...咳...」
 
突然間我回憶起琴晚發生嘅所有事...自己被小丑斬傷...以及...「一誠隻腳呀...!...啊!好痛...」
 
「吾好亂郁啦喂!」小k將我插係右手嘅血包同葡萄糖包拔下來
 
我披返件褸上身之後便慢慢甘一步一步甘拐出課室,出走走廊嘅時候所有人都望住我,甚至阻止我離開房間...
 
課室被分隔成一個又一個用木板同掛簾隔着嘅小房間,每一個學生都有自己嘅私人空間,不過就冇隔音功能,所以經常聽到隔離房間嘅對話
 
大致上都係以左男右女甘分開兩邊,然後再放一些軟毯或者地鋪係地上當床甘訓...雖然設備好簡陋,但都有着和諧融洽嘅氣氛
 
我走出了房間後便依靠着牆壁走出課室...而每行一步,我都感覺到苦不堪言般嘅痛楚...
 
「返去啦良生...你傷口已經裂開左...」小k係身邊扶住我,並拉着我隻左手




 
我不斷㩒住自己腹部嘅傷口...但左邊小腿嘅傷口已經不斷滲出血來...然後我跪在地上忍耐着那份刺心嘅痛楚...
 
「良生...」
 
「因為我...都係因為我...」呢份悔意就像千絲萬縷般嘅刀割着我的心...因為自己嘅無能而搞到如斯田地...
 
小k扶起了我「根本吾係你嘅錯,亦吾可以怪責任何人...」
 
然後我就慢慢甘行到一樓被改建成嘅醫療室,一打開門入去已經見到一誠坐左係輪椅上望着掛在牆上嘅中古世紀掛畫
 
「一...一誠...我...」
 
佢轉過來望着我,睇得出佢嘅眼神充滿着無奈同失望,但佢依然沉默地望着我...
 




明明我希望...你可以責罵我...甚至打我...只少讓我嘅良心好過一d...
 
啪...!
 
當我有返反應嘅時候,才感覺到自己塊臉被人摑了一把掌...
 
「點解...點解...點解呀...!」Jodie雙眼通紅甘扯着我嘅衣領,眼角仍然充滿着淚水
 
可是我卻無言以對,只能夠一味甘睇住佢係我面前喊
 
「根本吾關良生事...」一誠拉開了Jodie後便把她抱在自己懷中安撫着...「你先離開一下吧...辛苦你啦,仲有....對吾住」
 
點解要道歉...明明根本吾係你嘅錯...最後我只好返回課室繼續休養
 
我躺在放係課室嘅軟毯上,望着那平時上堂無聊才會往上看嘅天花板,不知不覺間心中突然有股想甘就放棄嘅念頭...
 
「吾係你嘅錯,自責落去都冇意思」小k幫我隻左腳重新再包紮過
 
「我以為會成功...我以為...」我閉起雙眼不斷回憶起琴晚嘅事
 
小k嘅眼神變得凝重起來「但一切都只係你以為...事實上,只能怪我地太睇小敵人...所以要付起責任嘅並吾係你...而係個班仆街...」
 
呢個時候張雅詩走左入黎我地班房,而且右腳小腳亦包紮着繃緊「良生,你終於醒啦」
 
「就係佢同另一個男仔救你返黎,如果吾係你琴晚已經失血過多而死...」小k托一托自己副眼鏡,然後奸笑地拍了我一下膊頭
 
「多謝你呀...」然後我望着小k佢奸笑着施施然地離開班房
 
張雅詩坐在係我旁邊嘅木椅上「你應該多謝阿奇佢,全靠佢搬你走先無事」
 
「阿奇?邊個黎」
 
「啊!我諗應該冇咩人知佢真名,因為個個都叫佢做"任我行"嘅」
 
吓...我一直以為佢真係叫做任我行「甘佢真名係咩...」
 
正當張雅詩打算開口嘅時候,阿奇佢行左入黎我嘅房間「我叫任偉奇」
 
他只是睄了我一眼,然後他扔了我把軍刀比我便離開了,刀削上還绑着一張紙條
 
「嘿嘿...因為佢一直都自把自為,完全吾聽人地講野,所以d人先叫佢做"任我行"」
 
張雅詩笑嘅時候,臉上有一個小小嘅酒窩,以前見到佢笑個陣我都有點留意下
 
「你同佢好熟架?」
 
張雅詩撥一撥自己長直嘅黑髮,「我同佢都係librarian黎嘅,但平時都只係得我執書,而佢就自己係一邊睇書完全吾理人嘅」
 
「哈…吾怪之得佢被人叫任我行啦...」當我笑嘅時候,身上嘅傷口又開始忍忍作痛
 
佢除左自己身上嘅牛仔褸,只係得返一件黑白橫間嘅吊帶背心...可以隱約睇到佢豐滿嘅身材...同我兩年所認識嘅個個張雅詩簡直係兩個吾同嘅人甘...
 
「我仲以為....個陣你會死...真係擔心死我,你知吾知...」佢嘅表情有點失落,但仍然強顏歡笑着
 
我伸出了自己的右手並舉起手指尾「講大話嘅要被人彈額頭架嘛...吾係咩?」
 
張雅詩呆了一會兒後便望着我「原來...你仲記得架...」
 
她也伸出右手手指尾並勾着我嘅手指尾,張雅詩這一下嘅會心微笑...是我係被困以來第一次看到最真摯嘅笑容,亦係令我最懷念嘅笑容
 
仲好記得中三嘅時候我同阿妤係系吾同班,成績一直優異嘅佢係A班每年都考頭三甲,相反我係中二個陣失手低左去B班,雖然成績算中等,但一樣吾係特別出眾嘅學生
 
個陣時我因為係眾目睽睽之下追到阿妤,所以好多男生都當我神甘拜,仲叫我授教追女神嘅祕訣...可是我只係以一句「細水長流啦...感覺係要培養出黎嘅」来回應佢地
 
當時坐係我身邊嘅女仔係一個戴住一副淺紅色粗框眼鏡嘅女仔,而且佢春夏秋冬都係着住件冷衫,而佢就係我班嘅女班長Cindy
 
每次我都會係我最憎嘅數學堂訓教...但並吾係代表我蠢吾識計,只係當見到d數字嘅時候會好頭痛甘啫
 
「艾良生!你又上堂訓教!」呢句話係我中三全年聽得最多嘅一句,每堂數學堂張雅詩都會甘罵我
 
「閉目養神啫...」當時我已經覺得佢無論係做事定為人都係非常認真嘅人黎
 
「明明就係你懶!」
 
「我吾係」
 
「一定係」
 
「吾係!」
 
她會鼓起臉頰望着我「一定係!」
 
「點解要針對我呀...」
 
然後就開展左我地永無止境嘅爭執...但慢慢習慣起黎嘅時候,就發覺其實有一個甘關心自己嘅人都算吾錯
 
可惜到左中四嘅時候我同阿妤一樣揀左讀理科,而張詩雅就係文科,所以之後都甚少聯絡,只係間吾中whatsapp一兩句甘...而到阿妤離開左之後就再冇同其他人whatsapp...
 
但回憶總是如此讓人懷念...卻又一去不返,也只能夠存活係我地心中
 
呢個時候MK康站在我嘅房間前「良生,會長叫你落去會議室度開會」
 
「嗯…我正好有野想同佢地講」
 
然後我同張雅詩一齊落到去地下大堂旁邊嘅會議室,小k、MK康、會長、cherry、ABCD班嘅班長、子瑜以及肥Ken都坐晒係入面
 
「6人死亡,2人重傷,1人輕傷...」會長佢手上拎着一張寫滿字嘅A4紙「佢地嘅屍體亦被人執走左...依家所有人都非常之恐懼同時亦好不安」
 
「我知...但今次...我覺得已經吾係單純靠我地呢班人可以解決到...」我將阿奇比我嘅紙條遞給了會長
 
「甘姐係點...」
 
我代張雅詩同所有人解釋被人呃入去騙局嘅來龍去脈講晒出黎...「...姐係話,個叛徒比我地想像中重要冇人性...好快會再有受傷者...」
 
肥ken飲了一啖咖啡「但問題我地根本吾知個個人係邊個...而且...亦有可能係我地當中...」
 
「甘你係咪姐係吾撚信我地呀!定你想分化我地呀!」MK康拍了一下抬並指住肥ken罵道
 
「冷靜啲先啦...我都只係作個假設」
 
然後全場都沉默起來望着其他人...的確身邊嘅朋友或者同學隨時都有可能係叛徒並殺死自己
 
「唯一嘅辦法,就只有入去唯一禁止進入嘅校務處....」冰耀指着掛在牆上嘅學校平面地圖上校務處嘅位置
 
小k亦表示贊同「嗯,原本上次係打算以良生同冰耀作為誘餌而一誠就進入校務處嘅計劃...但實在太睇小敵人...佢地比想像中重要厲害」
 
我腦海中不斷回憶起同小丑對峙時嘅畫面,緊握着自己嘅拳頭「上次...我逼不得已先要戰鬥...但今次,就由我主動去挑戰佢」
 
「良生...你打算點做?」坐係我面前嘅子瑜捉住了我嘅左手,而在場嘅所有人亦望着我等待我嘅回應
 
我拖緊了子瑜嘅右手「我地...戰鬥吧!」
 
MK康勁大力甘拍左張一下「好!一齊打撚柒班仆街!」
 
「君子報仇,十年未晚...」會長亦企係身一同助興
 
或者...曾經和平嘅日子已經不復在,但至少我嘅身邊仍然有同伴支持着我...仍然比我相信在絕望中依然能找到一絲希望
 
「你絕對吾可以輸!我吾準你輸!知吾知道!」
 
阿妤你嘅呢一番說話我一直都有記係心中...因為你最鍾意嘅,係個永不言敗嘅艾良生嘛,所以...
 
「我係絕對吾會輸!」
已有 0 人追稿