封鎖區《Blockade Area》: chapter 7:絕望的一夜
係會議結束之後不久,我被肥ken帶到去一樓嘅工場度,都已經好耐冇入過黎,自從中四沒有D&T之後都再冇黎過
「你帶我黎究竟有咩野想比我睇?」
肥ken走到去一個木枱前拎了一個鐵盒出來交給我,並走到去一個寫滿物理及數學方程嘅黑板前,「打開佢黎睇下」
當我打開鐵盒嘅時候睇到裡面放左一把外觀極似火槍嘅野,我將佢拎出黎,而且都有返甘上下重量,睇黎應該已經入滿了子彈「呢把係...氣動?」
「吾只...仲加左電動入去,手拉上匣部分亦都幫你安裝埋」
雖然係以火槍作為藍本,但外形則有d似工業革命年代嘅機械式氣槍,而且仲整得非常仔細「手感都吾錯...只係重左d甘...」
肥ken只係死死氣甘講左句「你估我想咩!材料有限呀」
然後佢揭開左一塊掛係牆上嘅布,裡面放左一塊成尺層嘅鋼板,再用墨水筆係上面畫左一個交叉「良生,你試下射一槍睇下」
由於槍身重嘅關係,單手瞄準已經是一件好困難嘅事,而且亦冇準星比我瞄所以都調節了一段時間
「好...已經感覺到...」我扣下了板扣,接着「咔」的一聲後,一下刺耳的開聲的隨即傳出來...「呯...!!!!!!!」
子彈射出來的一瞬間,我右手感覺到極大嘅後座力一下子直衝向我的膊頭...而且子彈擊向鋼板後發出強大嘅聲響...
「咔...咔...咔...咯咯...」手槍上嘅齒輪開始轉動着,而且並有蒸氣係旁邊嘅鐵管噴出來...同時間子彈亦一下子貫穿了鋼板
「果然比想像中仲要強...氣流噴槍加上電池驅動係正確選擇」肥ken將鋼板拆下來,並把子彈取出來放在枱上
「呢粒係...鋼珠...?」
「嗯！一開始係由晉景佢諗到用火槍作藍本先打算用鋼珠,但估吾到真係work...」
正當我打算再試多一發嘅時候,手槍居然毫無反應,反應旁邊嘅鐵管噴出了不少蒸氣「點解甘嘅...卡彈?」
「係要冷卻...呢把槍雖然係比以前嘅火槍仲要先進,但始終比吾上現今嘅手槍,只少縮短到8秒嘅冷卻時間」
果然單靠目前嘅物資係整吾到太強勁嘅武器,但只少整到呢把出來已經係好了不起嘅事「不愧係我地學校嘅機械大賽王牌」
這時小K走了進來「呵呵～當然吾只甘少野啦,呢樣仲激!」他走到一個放滿零件嘅工作枱前並揭開了一塊布匹,背後放了一把未完成嘅長火槍
肥ken很有自信地托了下眼鏡「呢把先係我地嘅殺手揀,唯一可以同個狙擊佬對抗嘅兵器...」
「的確...真係太令我大開眼界...以目前嘅資源,有冇能力量產呢把野?」
「有係有...只不過需要一段時間先可以」肥ken都好無奈甘望着枱上未完成嘅長火槍
小k將火槍嘅槍套交左比我「我知你一定會用得着呢把野」
「嗯…」然後我便離開了工場並沿着後樓梯走到地下大堂旁邊嘅籃球場,我企係中圈度並隨手執起地上嘅籃球打算投入網中
正當我舉起雙手打算投籃時突然有個人係旁邊叫停左我「估吾到你仲有心情射籃喎艾良生」
阿晞係地下大堂門口走過來,佢臉上都貼著藥膏貼,而且仲有我打傷佢嘅傷痕
「你又想點,我地學生之間已經有協議吾會再有打架情況出現」
佢一臉不滿嘅樣望着我「比你地困左係"黑房"成兩日,仲邊敢搞事呀!」
"黑房"係指4樓音樂室旁邊嘅儲物房,裡面因為冇窗所以關門之後係伸手不見五指,因而先會被人叫做黑房
「睇黎你好吾gur甘喎...」
「契弟!」阿晞走過來一手扯着我嘅衣領「好似你呢d甘嘅人...根本冇資格...冇資格去做我地嘅領袖,你只係個自私嘅冇膽鬼!」
我撥開了他的右手並俯視着佢「你根本吾明白我地為左d咩而去戰鬥,你只係識得抱怨同怪罪人地...」
「吾明白...?吾係你嘅話...我地一早已經離開左呢度...吾明白個個人...係你」
這時已經有其他同學圍着我地觀望,而且已經有由學生會組成嘅糾察隊黎度「喂！你地係度做咩野」
阿晞轉身撞開了其中一個糾察之後就走左,圍觀嘅同學都被糾察趕返去大堂入面
作為糾察隊隊長同時又係head prefect嘅葉付峰走過來同我倾左幾句「...好啦,就黎要開始行動,你都去準備一下啦」
然後其他人都各自散去了,只剩下企係場邊嘅子瑜一個等待着我
「個個叫阿晞嘅人真係好討厭,成日都針對你一個...」
「呃…嗯,不過佢以前吾係甘,其實佢本性係吾差...只係...」
「只係...?」子瑜側着頭望住我問道,可是佢見到我苦笑一下之後就再没有繼續追問落去,然後就拉着我行去會議室「大家都仲等緊我地」
其實我並吾係吾想講,只係吾知點樣去解釋好...因為阿晞比我仲要認識得阿妤耐,所以好多人都認為佢地最後會係有情人終成眷屬...
但冇人估到結果係我同阿妤兩情相悅...而係阿妤離開左之後佢就成個人變晒,甚至一直憎恨着我
「因為你阿妤先會死!」...呢句話我一直都耿耿於係我心中...而事實上佢沒有講錯...一切都係因為我...
當我回神過來嘅時候,會議室已經企滿了吾少人,當中包括左ABCD班嘅自願軍以及學生會所有成員
會長係學校平面地圖上畫了幾條路線「首先,红色線嘅由係智宏(Leonardo)帶領嘅第一小隊,你地會負責由副翼大樓度落去地下大堂...藍色線嘅係由冰耀帶領嘅第二小隊,你地將會由舊翼大樓嘅後樓梯度衝去大堂度,然後聯同逃生樓梯落去黑色線D班嘅班長朱諾㻇一齊去校務處,同時間智宏個隊應該已經進入左去裏面....最後就係...」
這時會長係有蓋操場位置畫了一個綠色圓圈「...最後就係由良生帶領嘅三人小隊負責阻擋小丑...機會只有一次甘多,一定要盡快完成」
「冇錯,時間拖得愈耐愈對我地不利」
Leonardo佢亦係地圖上畫了一個圓圈「我個隊係第一衝鋒小隊,所以狙擊手第一時間應該留意到我地先,只要沿着4樓打通嘅化學室入面去樓梯應該冇危險...所以,係我地出發嘅同一時間第二小隊都會出發...」
「甘狙擊手只能夠係兩隊之間揀一隊黎攻擊...姐係我地會犠牲一team人黎换取勝利...」小k喝了一口咖啡之後毫不猶疑地說了這番話
同時間在場嘅人都沉靜下來,眼看一片dead air嘅會長亦不情願地說着「...始終,犧牲係在所難免...對吾住...」
我亦只好無奈甘呼左一口氣出來「最後...只係我個隊將會負責留守係地下大堂度」
「根據你上次戰鬥嘅經驗,你覺得可以擋到幾耐...應該係話,成功率有冇30%...?」會長問完後亦無奈甘嘆着氣望住我
「機率我真係吾知...如果格硬要講嘅話,我諗13分鐘已經係我嘅極限...若果連同埋其如兩個人嘅話...估計可以比到18至20分鐘比你地...」
「哈…廿分鐘...我諗成功率真係10%都冇呀」冰耀諷刺甘踢左張椅子一下發泄
「我地做到嘅就只有甘多...最後...」會長放了四支長筒形嘅野係枱上面「呢樣係我拜託肥ken佢地整出來...係好似一支炮竹嘅野,會由4位小隊隊長負責拎着...」
肥ken拎起其中一支並指着炮竹頂部「只要用力㯲個頂一下,扔完之後等兩秒就會開始有火花噴出黎,基本上都會有好噪嘅爆炸聲」
會長也拎起左其中一支「只要遇到小丑或者小隊只剩下一個人就必須使用...」
MK康立即駁斥「屌！咪姐係話比其他人知小丑係邊等其他小隊可以逃走...遇到小丑根本已經挽撚完...」
「只要有兩隊都使用炮竹嘅話就立即終止行動...所有人都要返去4樓度等待天光」我沒有理會MK康嘅說話,只好向所有人再總結多一次
就算已經有齊足夠嘅人手同計劃都好...我地每一個人都心中有數,現實永遠都吾會好似預期甘好...
*****
"唦唦....各位同學,現時已經晚上10時25分,全校將會在5分鐘後停止飲水供應及電力供應,請同學們回到室內休息並禁止在11點後出外行動...以上係Mr Sunshine嘅廣播,報告完畢"
再次聽着呢一把既討厭又噁心嘅聲音係全場度廣播着,我係最後呢五分鐘係飲水機前喝了一口水抑制着自己內心的抖振...
這時有個熟悉嘅身影從後抱着我,佢並沒有出到聲只是一直保持着沉默地抱緊着我...但她身上香稷馨香嘅香氣使我整個人都放鬆下來
「你做咩呀子瑜...你甘樣令到我好尷尬...」
「嗯…比你架」然後佢放左啲野係我手中
係一個淺藍色嘅布製護身符,而且上面仲繡左「加油」嘅白色字樣...
雖然整得並吾花巧而且仲有啲就散嘅感覺甘,不過都令我感受到一份窩心
「哈...點解係繡個加油而吾係贏字架...」
子瑜佢反了我一下白眼之後便扁住咀甘望着我「甘個贏字難繡呀嘛...而且...都...唉!吾中意就算啦...比返...」
正當佢打算拎返走嘅時候我就將護身符收埋係身後,並望着她貼滿了膠布嘅左手「我諗冇男仔會吾中意為左送比自己而會整到隻傷晒既禮物囉」
子瑜佢立即將左手伸左入褲袋「又吾係淨係整比你一個,吾好誤會....係佢地話整比你地我先...」
「嗯…多謝你」然後子瑜便返反上去課室入面,同時間MK康同小寧已經企左係走廊盡頭度等緊我
「甘我地行啦,時間都差吾多」MK康一邊揮動着係運動房倉庫入面嘅棒球棍,一邊一馬當先甘行走着
我將護身符放入褲袋裡,並望着自己純白色嘅G-shock手錶,距離10:30仲有一分鐘都冇嘅時間,我地準備沿着中央樓梯行到落去地下大堂
此時其他小隊都已經各自準備就緒,係呢個寂靜嘅夜晚我地每個都只係為左開一道門入去校務處裡面...明明只係甘簡單嘅事,卻要成十幾個人去準備...
「好緊張咩你...」小寧握緊着手中嘅鐵撬望着MK康
「哈…呢d並吾係緊張嘅抖震呀屌,而係武士震...代表我好撚想戰鬥...你識乜春呀」
距離10:30仲有6秒...5秒...4,3...2,1...0「跑啦!」
我地三個人不斷甘衝落樓梯,噪吵嘅腳步聲已經引起了敵人嘅注意...「呯」的一聲,子彈瞬間穿過玻璃射了進來
「Cover....!!!!!!」小寧一聲大叫我地立即跑到去樓梯旁邊嘅牆壁度躲避着子彈
同一時間我亦聽到樓上已經有人係度咆哮着並且傳來吾少嘅踏地聲同連環槍聲...「繼續行啦!」
正當我地跑到去一樓轉角樓梯嘅時候,突然間一連串嘅「啪嗒嗒啦啪啦啪」嘅炮竹聲係副翼大樓個面傳出來....
「媽的...已經有一隊挽完左...係小丑...定係已經死清光?」
我停下了腳步猶疑着,究竟點做先好...如果吾係小丑嘅話就要繼續向前跑...
「分頭行事?點做先好...」小寧和MK康都同一時間望着我
「吾得,我地一定要保持三個人一齊行動,如果吾係只會一子錯滿盤皆落索...」
我望着副翼的走廊「小丑冇可能係甘短時間衝到上去...」
「如果係有二五仔呢...?一早已經外泄左我地嘅計劃...」
「良生,已經冇時間比我地考慮甘多...」
當小寧講完呢句話後身體已經不由自主甘衝到去副翼走廊個面「死就死啦....行啦我地!」
係前進期間我抬頭望到4樓走廊嘅玻璃窗已經被人射爛晒...吾知冰耀佢地有冇成功逃過一劫呢...忽然間MK康係我背後勁大聲甘怒吼左一下「良....生....!!!!!!!」
前方立即有一把利刃係我面前出現,小寧立即拉停左我並扯我向後方,同時間並用鐵撬擋下了攻擊...
「嘖....」那散亂嘅紅髮以及讓人毛骨悚然嘅殺意....眼前呢個人正正係小丑
MK康立即衝上前一棍揮向小丑度「啊…！死啦仆街」
小丑用左手拎着嘅鐮刀擋下了第一擊後,再一個轉身用反手打向MK康塊臉度,佢頭上嘅Cap帽亦被打掉下來...小寧隨即一野插向小丑嘅背部,但佢閃避後再一腳踢開了他...我係小寧向後倒嘅一瞬間從他身旁衝上前並一拳揮向小丑嘅臉頰...把他打退了幾步
「屌！」Mk康亦立即再補一棍打向他的手臂,小丑的右手被打中時一聲精脆嘅骨裂聲亦随即傳出來...但小丑立即一刀向他的腹部劈了一刀...再一腳踢向MK康嘅下巴度...
小寧再用鐵撬揮向小丑嘅面前,他立即向後退了兩三步並從側邊嘅樓梯逃走了....這時我看到他滿手鮮血嘅雙手...心中已經有着不祥嘅感覺...
正當小寧打算追上去嘅時候我立即拉着他的右手「窮寇勿追...處理左MK康嘅傷勢先」
MK康坐在地上並按着自己不斷滲血出來嘅左邊腹部「Fuck...見紅添...痛撚死我...」
「點只見紅...腸都就黎露埋出黎...」我用毛巾㩒着佢身上嘅傷口,再拎出原先放係醫療室嘅嗎啡針一下子插在他的腰間...「小寧你幫佢包紮左先」
話未說完,「鈴鐺」嘅鐵鏈聲又再一次傳出來...但尚未見到有人影出來,但都已經愈來愈接近我地...
可惡...根本冇可能帶着MK康一邊逃走一邊戰鬥,正當我打算使用炮竹嘅時候MK康卻拉着我的左手阻止了我「吾需要因為我而終止作戰...」
「佢講得啱...我地仲未輸晒,你去啦良生...只有你先可以阻止小丑...」
我望着身受負傷嘅MK康,佢堅定不移嘅眼神反而令我感覺到仲大嘅壓力...我握着手中嘅炮竹,心中不斷掙扎着
「我究竟...應該點做先至好...」