［回憶］［校園］一個信息改變左我嘅中學生活: 續（二十六）記憶

阿叔，既然咁都比你認到出黎，證明我同你都係有緣份嘅，至於我同阿心嘅事就一匹布咁長，不如我地揾一個地方再繼續傾啦。我好有信心咁同阿伯講。
阿伯聽完我講呢一番說話，就收起左報紙檔，攞出左一條鎖匙。仲揮手示意叫我地兩個跟住佢，我同阿心係呢一段路上面都係戰戰兢兢咁行，應唔應該信呢個阿叔？佢會帶我去邊道？但係我未洗深究呢個問題嘅時候，就已經到左目的地，去到左一間驟眼睇落去差唔多有50年歷史嘅一間粥店。
我同阿心見到呢間鋪之後都嘩左一聲。阿心講：估唔到阿伯你會帶我去呢度喎！但最令我感觸嘅係估唔到我今日都有機會再次呢個愛情建築地。
行啦，唔好企係門口啦！阿叔好趕急咁叫我地入去。熟悉嘅一枱一凳，都裝載住我同佢嘅回憶，點解阿叔你要帶我黎呢個地方？阿叔帶左我地兩個入一間房，仲順手咁鎖埋。依家你地可以講架啦，我大把時間慢慢聽啦。阿伯好期待咁同我地講。
阿伯，乜呢間粥店係你架？阿心好有興趣咁問。
後生女，唔好理咁多啦，世事嘅野唔好了解得太過透徹啦。算啦，都係講返你嘅野啦。阿伯既無奈又蒼桑咁講。
我：阿叔，不如係我同你講之前可唔可以話我聽點解你想知道我地嘅事呢？
因為我睇得出只要你黎左我呢度，你地所有嘅問題都會迎刃而解。