［回憶］［校園］一個信息改變左我嘅中學生活: 續（四十六）難關

我聽到佢呢一句，我心入面開始左一次又一次嘅盤算：佢又係對粥有特別嘅回憶，而且佢又戴住一隻同我一樣嘅耳環，我已經潛移默化咁當左佢係—阿妍。
我強逼自己個腦咁樣認為，唔係嘅話可能我就會做首個未返夠一日工就比人炒嘅人。隨住咁塊心頭大石放得愈黎愈低之後，學習開始變到得心應手，同時等待嘅煎熬嘅低左好多。
辛苦咁挨過左8個鐘，濕哂嘅背脊同埋手腳都一齊和應左呢份疲勞。入到雜身房，我見到唔知係咪真嘅阿妍，同佢兩目相投個陣，我成個人即刻變到好精神，心思細密咁扮拎野，然後用手機影低左佢嘅正面。 係我準備行出店門個陣，我同佢同時都戴上左隻耳環，一樣都係我左，佢右。但呢個睇落好甜密嘅過程，我地兩個中途都無出過半句聲，就算係視線連埋一齊嘅機會都無。
我尷尬咁急步行出左粥店，拎出部電話，打開左我嘅瀏覽器，打算利用網絡，幫我解開呢個困擾左我咁多日嘅迷團。我胸有成竹咁擺左佢正面同埋背面嘅相，係討論區上面開左一個尋人啟事。我重新打開返wts同埋通話紀錄，阿心係8個鐘之前比我「送」左100幾個已讀仲有20個未接來電佢之後，佢就無左搵我嘅打算，我想打返比佢嘅時候，竟然係出現左一段錄音：你所打嘅電話未能接通。傍惶嘅感覺伴隨住電話嘅『嘟』聲而黎。點解平時咁痴身嘅阿心，居然咁易就打消追蹤我行蹤嘅念頭？仲要依家要熄埋機，唔比我搵到佢係邊？我腦海出現左一個唔好嘅預感⋯⋯
我無奈咁行上左巴士嘅上層，我望住空無一人嘅車廂，我開始諗起同阿心搭巴士嘅畫面，呢個杞人憂天嘅感覺令我心情變到不安同埋煩躁。我再一次打開個討論區，見到有一大堆嘅留言，但全部都只係膚淺咁問我佢嘅facebook，ig。
我係心入面大喊：點解我要面對咁多難關？有無任何一件事係可以順利？巴士嘅玻璃反射出我憔悴嘅樣，我睇見自己咁嘅面容同埋身邊唔同嘅麻煩，我眼淚就開始忍唔住。
「那天我共你勾手指尾⋯⋯」呢首歌曲制止左我嘅眼淚，但都只可以用灰稭嘅心情去睇部電話，到底打比我嘅係阿心，定係其他無關痛癢嘅人？

由於小弟之前唔係香港，所以更新唔到，我聽日就會出多兩篇黎補返數，希望你地繼續支持同埋分享比更多人。
最好就係我個facebook度比個讚或者follow我ig。