［回憶］［校園］一個信息改變左我嘅中學生活: 續（四十七）選擇

我拎起左部電話，睇見嘅電話號碼既唔係期待嘅阿心，又唔係完全唔關事嘅廣告宣傳電話，反而係意想不到嘅一個陌生電話號碼。
喂？我對住部電話講。靜左兩秒，一把熟悉嘅聲音出現左係我部電話，「你個人渣！做咩將我女朋友做樣擺上網啊？依家佢比人起哂低啦！」tommy佢好激動咁同我講。
一份無辜同埋愕然嘅感覺偽我心度不斷散發出黎，但我都用左一個內疚嘅語氣同佢講：到底發生左咩事啊？點解我完全唔明你講乜架？
「你個賤人！到依家你都仲要扮哂野？tommy對住部電話大叫。
我回想返，我的確係有將一個女仔嘅相放左上網，但係討論區上面嘅人都只係話想要佢嘅ig同埋facebook咋喎，點解會有起低嘅行為？
我嘗試叫tommy冷靜落黎，然後再相討有咩解決嘅方法。「不如咁啦，我地唔好係電話解決呢個問題，不就我地出黎再三口六面講清楚仲好啦。」 佢接受左我嘅提議，約定我係一個鐘後，去海旁傾清楚呢件事，然後佢就停止左呢次嘅通話。
我坐係靜寂嘅巴士上層，仔細嘅思考呢件咁多巧合嘅事。「比我擺上網嘅女仔，係tommy嘅女朋友，而同時tommy又係我最好嘅朋友⋯⋯」我望住車廂出面漆黑一片嘅街景自言自語。
混亂嘅思緒陪我去到巴士嘅總站，巴士去到停站前嘅一個十字路口，左邊係返屋企搵阿心，右邊係去海旁搵tommy，我應該行左定行右？腦入面出現左一個好大嘅問號。
我抬起左手，睇一睇手上嘅手錶，9點45分，正正就係錶面上形成左一條直線，一邊長丶一邊短嘅指針，街道同埋手錶，兩樣野同時都令我覺得難堪，我滄桑咁講左一句：到低點樣選擇先可以唔洗放棄？呢一個朋友，同埋呢一份工作，仲可唔可以並存？