［回憶］［校園］一個信息改變左我嘅中學生活: 續（四十八）失蹤

我慨嘆左一下，我為夢想捨棄左朋友，步伐開始向左邊前進，但為左維繫呢份接受十年嘅友情，我用哂全身嘅力黎跑，時間每一秒咁過，汗水每一滴咁流，意志力消磨嘅同時，時間都一直同我競賽。
9點45，46，47⋯⋯
原本15分鐘嘅路程，我係8分鐘就到左，我返到屋企樓下，準備上去搵阿心個陣，我汗流浹背咁係度諗：到低阿心會去左邊呢？電話又熄機，又無同我阿媽講。唔通⋯⋯
我抱住最壞嘅打算沖入屋企，但係我面前竟然係一個人都無之餘，仲要全屋都無熄燈，我好驚咁懷疑屋企係唔係比人打劫，然後再捉走左阿媽同阿心？定還是有其他更差嘅可能性？一個又一個恐怖嘅畫面比我幻想左出黎，我按捺唔住自己嘅情緒，忍唔住係屋企大叫：阿媽，阿心，你地係邊啊！
正當隔離鄰舍打開想睇下發生咩事嘅時候，我已經一支箭咁沖左落樓，迎接第二個難題—Tommy。我係筋疲力盡嘅狀態同埋擔心所壓制，我無辦法再跑，睇見只係差5分鐘就遲到嘅時候，我只係對天祈禱左一下，希望佢地唔係受到得我幻想出黎嘅遭遇，同時可以無損無傷咁再出現返係我面前。
10點半嘅來臨，我仲係未能夠行到只係得2公里遠嘅海旁，
拖住呢一副身軀，同埋呢個負面嘅心態，我唔單止連幫tommy嘅機會都無，反而係累完人地，仲要人地要求伸出援手。咁真係唔會好反智？
隨住電話嘅響起，我都到左呢一個地方，係見到佢地個背影個一刻，我就立即停止播放我最鐘意嘅鐘聲，因為我見到一個比阿心失蹤更估唔到嘅事，tommy佢搭住一個女仔嘅膊頭，準備同我開始呢次嘅「高峰會議」。
我準備拍佢隻手叫佢拎轉面，劈頭一句：「你知唔知你違背我地嘅承諾啊」呢一句嘅時候，佢旁邊嘅女仔同佢一拎轉左身，而呢個女仔正正就係⋯⋯