［回憶］［校園］一個信息改變左我嘅中學生活: 續（四十九）陷阱

呢個人，竟然係最令我出乎意料嘅人，但係睇到佢嘅背影個陣都無辦法認到出左，直至到佢拎轉面個陣，我先知道係我面前嘅居然係我日見夜見嘅人—阿心。
點解佢會同Tommy一齊係度等我嘅？一份難以啟齒嘅尷尬充斥住係呢個海旁，三個人你眼望我眼，驚訝之餘，我係心低都有一份憤怒不停咁充上黎，令到我打開左個口，好大聲咁講：點解阿心會係度架？做咩你同佢一齊架？你做左咩野黎啊！我嘅怒氣源源不絕咁噴哂出黎。tommy唔單止無受到我嘅威嚇一些，反而變到更加得戚，佢指住阿心笑笑口咁講：你睇下你條女咪知咩事囉。
我立刻用擔心嘅眼神望向阿心個邊，係我準備開口個陣，阿心一巴打左落我塊面，啪一聲！我嘅感覺由擔心大幅度轉變做一份無辜。點解你熄左機唔比我搵你，你仲要同tommy一齊出現呢件事你唔好好交代，反而仲要打我？我心酸咁同阿心講。
林家銘，到左呢個時候仲要扮野？你到低有無當過我係你女朋友啊？tommy佢已經講哂所有野比我聽啦！
我覺得好愕然，同時都覺得好奇怪，到低tommy可以知道乜野令到阿心咁嬲？
你冷靜小小先，你不如講清楚咩事啦，我完全聽唔到你講咩我點解釋比你聽啊。我一邊平靜阿心嘅情緒，一邊了解發生左咩野事。
佢立即推開左我，仲指住我黎鬧：我都估到你有野架啦，成日都半夜去廁所去成半個鐘，尋日都同我講咩承諾同有幾愛我，點知所有野都係假架！你竟然借返工呢個藉口， 呢去陪你出面個女人！阿心一路講一路流眼淚。
阿心係手袋拎出左部電話，開左一張我係粥店同黑衫女影嘅相，我睇到之後嚇到成個人呆左係度，我嘗試打開返個一日嘅記憶，我記得我為左上網確認佢嘅身分，然後就偷拍佢嘅背影。
背影？唔同係我影佢個陣佢一樣都打算影我？然後利用電話效果，扮到我同佢一齊影相？但我又唔識佢，又應該同佢無仇無怨，做咩要影我呢？
阿心，你聽我解釋先啦，成件事唔係咁架，只係一個巧合黎架咋！我邊有可能會一腳踩兩船啊！我好無奈咁講。




阿心：你有咩野係做唔出架？tommy佢同我講哂啦，你為左搶人條女，連起人低嘅行為左都做得出？既然你連自己最好嘅朋友條女都要搶，咁你仲有咩資格同我講野啊？我已經決定左啦，我覺得我地需要分開一陣。阿心講嘅時候，由大聲慢慢變到愈黎愈細聲。
呢一句直接炮轟到我個心，我無辜咁受到一次嘅陷害，但都係束手無策，眼白白睇住tommy用勝利者嘅姿態帶住阿心離開我嘅身邊。
到低我有咩方法可以得到返阿心？定係睇住之前投放係入面嘅心機，付出全部都荒廢？估唔到當年最好嘅朋友，依家居然令我痛失至愛。

仲要5篇就係大結局，希望各位會繼續支持，但係由於結局篇每篇都接近3000字，所以更新速度會變慢，希望你地唔好介意，繼續睇埋落去，同埋都希望你地可以係我facebook度比個讚，或者將呢個故分享比更加多人。