請先讓乘客落車 please let passengers alight first!(至第廿六章): 第廿四章
「請先讓乘客落車 please let passengers alight first! 」（第廿四章）
「Benny...Benny...你點呀？頂住呀...」
我再望後面，發覺有幾架車開始追住我地…..
第一至廿三章: http://bit.ly/2aTgRST
**************************************************************************
「快d Daisy!」 教授叫架車快d，因為後面果幾架車就黎追到黎。
「佢點呀？」教授再問我Benny嘅情況。
「佢左腰中左槍，都留左幾多血，我估要盡快送佢去醫院先得。」
「好！呀...唔得...唔可以去醫院？」教授望住我講。
「點解呀？唔去醫院佢會失血過多架！」我唔明點解唔去得醫院...
「因為頭先班HARMY叛軍應該已經通知左佢地嘅隊伍，所以佢地一定會喺醫院
度等我地。」
「吓？咁點呀？除左醫院仲有邊度可以救到Benny呀？」
「ARRRRR!!!!」Benny 不斷喺度慘叫，睇黎佢真係好痛。
「....總部！返總部！」教授諗左一陣然後答我。
「嘭...！！」架車震一震，原來後面架車個黑頭盔人喺車頂對住我地架車尾發
左一炮。
「教授，架車可唔可以再快d呀？」後面d車已經就黎追到喇。
「快唔倒，因為係自動導航，所以架車Set左最高車速。...呀！有喇，如果轉做
手動就可以...」教授準備轉身去司機位渣返架車。
「等我黎吖教授！」我走過教授坐喺個司機位，然後搵緊究竟個手動軚盤喺邊呢？
「轉手動! Daisy!」原來要教授比個指令先識轉。
「吓？」
我以為會有個軚盤伸出黎，點知喺我前面腰間位置伸左出黎嘅係一個白色手
掣，仲要係打機果d手掣。
「X 係加速，正方形係減速呀琛仔！」教授一路睇住Benny。
我渣起個手掣，乜都冇諗就㩒個X掣向前衝。
「嚨！！！」嘩..架車當堂標前左，我望一望前面塊玻璃，原來底部有個儀錶顯示...
「100...110...135....150...200！！」架車3秒內由時速100公里去到時速200公里。
我唔知點解，但當我渣緊架車嘅時候，我好似好熟條路咁，唔係，我直頭條好
似好熟依個地方咁。我為左擺脫後面d HARMY軍，我右轉屈入去條窄巷，然後
再急轉右邊入去第十街，前面一百米左右係一個十字路口，超多車左穿右插，
但如果我唔過依個路口我係冇可以擺脫到黑頭盔人。同潛意識話俾我知過埋食
個路口再轉右就見到總部，於是我吼準機會就喺果百分之一秒間穿過左右都有
車駛過黎嘅路口。
「好嘢呀琛仔! 佢地追唔到黎喇 ! 」教授再望望車尾。
「呼……」我自己都唔相信我竟然可以識得渣依架車，兼知道行邊條路。
轉右之後，見到一坐相當宏偉嘅建築物，成棟建築物都係白色。外圍有一道兩
米高嘅牆包圍住…
「我地喺度落車吖! 」教授叫我地落車，我就撐住Benny慢慢咁行去度牆度…
教授行近度牆，然後對住度牆講左d嘢，我喺佢後面所以聽得唔清楚，但就忽
然有一米闊嘅牆插入地底，我地就穿過依一米闊嘅「門」入左去。
入到去之後就即刻有三個著住制服嘅人用短棒掃瞄我地三個人。
「可唔可以救左佢先呀? 佢留左好多血呀！ 」我問著住制服嘅人。
「我地會救1366，你放心! 」佢地竟然知道Benny嘅特工編號，我估應該係枝
短棒掃瞄到佢嘅資料。
其中一個著住制服嘅人帶走左Benny去左邊走廊，另外一個就叫左教授跟佢去
右邊嘅走廊。
「你跟我黎吖1362。」淨返果個著住制服嘅人對住我講。
「你….你係咪對我講緊嘢呀? 」我問。
「你覺得呢? 」
我望望周圍，然後就跟左佢向前行，經過一條圓筒形嘅走廊，左轉然後有間
房，著住制服嘅人先用手掌放上度門，然後話: 「佢到左喇。」
之後度門就開左，我行入去，見到有個人背住我坐喺張枱後面….
「你到左喇! 你終於到左喇….! 」憑把聲聽落應該係中年男人。但當佢轉身對住
我果時，點解我好似喺邊度見過佢咁嘅?
第廿四章 完。待續...
*********************************************************************
如想知道最新故事發展或對故事有任何提問, 可以輕輕like下 小弟 Facebook page 同留言~
Facebook:https://www.facebook.com/peoplelaughmetoocrazy/
同步連載:
紙言：http://bit.ly/2b1ZCRp
Discuss: http://bit.ly/2bLNrYy
Penana: http://bit.ly/2bX5tay