[港版無限流][長篇] 恐怖輪迴: 公屋驚魂～自我催眠

林軒再次喝了口咖啡，平淡地説「過埋呢場任務，返到空間將會非常忙碌。」

他從儲物空間中拿出一柄手槍及尼泊爾軍刀，站立起來。

「如果唔係李文性格上太過狠辣，我都未必會出手阻止佢壯大。但奈何宜家有凌天喺到做隊長，李文如果再以咁嘅速度壯大落去，凌天未必壓得住佢。」

「碰！」「碰！」

籃球場上的碰撞越來越劇烈，鐵網開始有些凹陷的跡像。





儘管肉眼看去，球場上仍空無一物，但不難感到有生物正在內裡掙紮著，準備脱離這個囚籠。

「如果李文得勢，以佢性格，佢一定唔會放過凌天派系嘅人。」

「唔單止咁，殺完空間嘅人，如果有餘力，佢仲會特地返去現實世界，將凌天佢哋現實中嘅親朋好友趕盡殺絕，經此一役，到時12號隊必定元氣大傷。」

「斬草除根，呢個係黑幫嘅傳統手法，因爲陰質嘢做得多，心理上驚俾人覆灼。」

「碰！」「碰！」「碰！」「碰！」





鐵網的凹陷越來越明顯，已開始有些搖搖欲墜。

「宜家李文實力被壓制住，雖然佢會因此而憎恨我，但有凌天喺到，而李文實力又未足以攪掂我同凌天兩個住，所以佢宜家唔敢直接發爛渣。12號隊仍然可以維持住喺三方平衡嘅狀態。」

「碰！」

鐵網終於被打出了一個洞口，只見內裡出現一名身高六尺，臉帶白色面具，赤裸上身，身穿黑色圍裙，右手拿著豬肉刀的壯漢站在球場上。

「隊伍入面其他人大多都比較依賴外來強化，但我份人就比較偏向自然。」林軒把玩著手上的軍刀，悠閒地說著。





壯漢此時也緩慢地走出球場，向林軒方向走去。

「最簡單嘅方法就係突破人體極限嚟達至進階，但可惜，我又冇隊長咁變態，幾時都可以用極限狀態嚟戰鬥。」林軒緊閉雙眼，平淡地說著「所以我只可以用啲小手段。」

話畢，林軒張開雙眼，但其眼神卻再没有任何感情，再次平淡地說「自我催眠，以此突破極限，呢個係我嘅進化之道。」

壯漢走到與林軒大約5步距離時，舉起豬肉力，準備揮刀劈向林軒。

「嗤！」

突然一記銀槍從後插進壯漢的喉嚨，然後化成銀色液體，快速向外流走。

壯漢喉嚨處正泛着一陣陣白煙，但它並没有因此而倒下，只是發出噴怒的吼叫，拿着豬肉刀向林軒頸部狠狠劈下去。

但就在豬肉刀即將碰到林軒頸部時，卻又突然靜止在半空中。





「唔好以為只有李文先至識得揾你哋啲任務人物嚟提升實力先得㗎。」林軒冷笑地說著，然後拿著軍刀在壯漢手臂上劃了一刀，其手臂傷口處立刻流出黑色的血液及冒出白煙，壯漢隨即再次發出憤怒的吼叫。

「嗌啦，嗌啦，你嗌破喉嚨都冇人理㗎喇。」林軒一邊奸笑說著，一邊用軍刀不斷在壯漢身上不同的位置劃出傷口，使壯漢全身都流著黑色血液及泛著白煙。

「念力強化雖然初期冇乜效用，但定住你嘅身體都仲叫做卓卓有餘，亦都可以借住咁樣嚟提升我嘅念力能力。」林軒再次在之前的石椅上坐下，喝了口咖啡平淡地説「而且我好好奇，既然液態機械人可以溝聖水，咁又可唔可以溝埋怨氣或者怨靈嘅血液呢？」

「呵呵，其實你哋真係幾得意，有階級領地之分，實力越強，擁有嘅就越多。」

「由虛無飄眇乜都無嘅亡靈，到可以有領地嘅怨靈，再好似你咁有領地有肉體嘅高級怨靈，之後又有好似大叔咁有領地有肉體之餘，仲可以窺視世界規則嘅鬼王。」林軒雙目無神地微笑著說，樣子顯得有些怪異，接著啪嗒一下手指，說「廢話少講喇，開始試驗啦。」

隨著林軒的命令，一大灘銀色液體便應聲流向壯漢身上並包裹著它全身，內裡只隱隱發出壯漢的慘叫聲，並徘徊著整個商場天台。