簡介
－每日晏晝１２點更新－ －廣東話寫故－ 是咁的。 呢個係一個絕無糖份嘅故仔，亦都唔係咩野後官小說，所以大家如果係抱住睇甜故嘅期望入黎嘅話，唔好意思，呢度無。 我叫蕃薯，事出突然，搬左去同舅父住，我拎住沉重嘅行李，係旺角嘅街上面行緊。 我係一個文字創作人……講得白ｄ，我只係一個識少少字嘅網絡打手，有時會收下人錢出下ｄ ｐｏｓｔ，講下ｄ ｐｒｏｄｕｃｔ有咩用。 當然我都有正職啦，係ＫＦＣ返工，剛剛可以維持到生活……以前嘅話。 可能我係人地口中所講嘅廢青啦，前幾個月都係食屋企人住屋企人，畢左業咁耐都無比個錢屋企，雖然屋企人無講，但都已經對我無咩期望，所有期望已經去晒我果位就快大學畢業嘅細佬身上。 早幾個月佢地仲叫我搬出去住添，果陣我以為佢地講笑，但係當有一日我返到屋企門口，見到一個行李放左係旁邊，門嘅鎖仲要換埋，我果陣先發現原來佢地係認真。 「喂？舅父啊，我比屋企人趕左出黎啊，可唔可以去你度住啊？」呢個舅父係好睇我嘅舅父。 「緊係得啦，我而家有ｄ野忙緊，一陣ｓｄ個地址比你，你自己過黎啦。」舅父講完後就收左線。 就係咁，我跟住舅父比我嘅地址黎到一幢舊唐樓前面，之後，就係所有故事嘅開始。